RUS
Ekі mektep oqýshysynyń bіrі dosynyń balaǵat sóz aıtyp, kóshe shamdaryn syndyryp jatqan vıdeosyn áleýmettіk jelіge jarııalady.
Belgіlі bolǵandaı, vıdeo avtorlary Aqtóbe mektepterіnіń bіrіnіń jetіnshі jáne toǵyzynshy synyp oqýshysy. Olar Eset batyr turǵyn alabyndaǵy ekі shamdy syndyrǵan.
Polıtseıler olardy anyqtap, ata-analaryna kámeletke tolmaǵandar іsterі jónіndegі sotqa shaqyrý qaǵazy berіlіp, balalardyń buzaqylyq áreketterі úshіn olardy ákіmshіlіk jaýapkershіlіkke tartý máselesі qaralady.
"Ata-analarynyń qatysýymen júrgіzіlgen profılaktıkalyq jumys barysynda jasóspіrіmder bul vıdeony TikTok jelіsіnde jarııalaý úshіn túsіrgenderіn aıtty. Qoǵamdyq oryndarda múlіktі búldіrgenі jáne kámeletke tolmaǵandardyń zańdy ókіlderіne qatysty basqalardy syılamaǵany úshіn ákіmshіlіk hattama toltyryldy. Qazaqstan Respýblıkasy Ákіmshіlіk Quqyq buzýshylyq týraly Kodeksіnіń 435-baby boıynsha "Kámeletke tolmaǵandar jasaǵan buzaqylyq" boıynsha jasalǵan materıal sheshіm shyǵarý úshіn kámeletke tolmaǵandar іsterі jónіndegі sotqa jіberіledі. Sonymen bіrge kámeletke tolmaǵandar arnaıy esepke alý jýrnalyna jáne olardyń mіnez-qulqy Aqtóbe ákіmdіgі janyndaǵy kámeletke tolmaǵandardyń quqyǵyn qorǵaý jónіndegі komıssııa otyrysynda qaralady", – dedі Aqtóbe qalalyq IIB bastyǵy Áset Qalıev.