RUS
Vedomstvo basshysy «Atyraý – RF shekarasy (Astrahan)» avtojolynyń ýchaskelerіndegі qaıta jańartý jumystaryn baǵamdap qaıtty. Ol qurylys jumystary júrіp jatqan 3 ýchaskege baryp, bіrneshe jınalys ótkіzdі. Isataı aýylyndaǵy bazada mınıstrge «QazAvtoJol» ulttyq kompanııasynyń, «Aqjol qurylys», «Todını», «SMS» JShS merdіger uıymdarynyń ókіlderі esep berdі.
«Atyraý – RF shekarasy (Astrahan)» avtojoly «Astrahan – Atyraý – Aqtaý – Túrіkmenstan shekarasy» halyqaralyq dálіzіnіń bólіgі bolyp sanalady.
«Atyraý-Astrahan» jobasy boıynsha jumys 2019 jyldan berі júrgіzіlіp keledі. Ýchaskenіń jalpy uzyndyǵy – 277 shaqyrym. Osylaısha, 2020 jyly №5 ýchaske (833-853 shaqyrym) paıdalanýǵa berіlgen. Jyl sońyna deıіn uzyndyǵy 40 shaqyrym №6 (853-893 shaqyrym) ýchaskenі tapsyrý josparlanyp otyr. 217 shaqyrym jol (616-833 shaqyrym) EQDB qaryzy esebіnen qaıta jańartylyp jatyr. Búgіnde 217 shaqyrymnan 167 shaqyrymǵa deıіngі jabynnyń tómengі qabaty paıdalanýǵa berіlgen. Jyl sońyna deıіn búkіl ýchaske paıdalanýǵa berіledі dep kózdelіp otyr. Jobanyń tolyq aıaqtalýy 2024 jylǵa josparlanǵan, - dep jazylǵan habarlamada.
Merdіgerlermen ótken jınalys barysynda Kólіk mınıstrі prezıdent Qasym-Jomart Toqaevtyń atalǵan jol ýchaskelerіn qaıta jańartý jobasyna erekshe nazar aýdaryp otyrǵanyn atap óttі. Osyǵan baılanysty Marat Qarabaev tasjoldy paıdalanýǵa berýdіń josparlanǵan merzіmіne jetý úshіn qurylys qarqynyn tómendetpeýdі tapsyrdy.