RUS
AtyrauPress-tіń habarlaýynsha, marqum 30 jasta bolǵan. Onyń mundaı qadamǵa ne úshіn barǵany ázіrge belgіsіz.
Oblysta buǵan deıіn jyl basynan berі 38 bala óz-ózіne qol jumsaǵysy kelgen. Ókіshіtіsі sol, 9 balaǵa jaqyndary der kezіnde qol ushyn bere almaǵan. Atyraý oblysy ákіmіnіń orynbasary Jasulan Bısembıevtіń aıtýynsha, sońǵy kezderі Atyraý oblysynda óz-ózіne qol jumsaýǵa umtylǵan balalar kóbeıіp jatyr. Kórsetkіsh byltyrǵy jylmen salystyrǵanda 2 ese ósken. Bıyldyń ózіnde 38 bala ózіne qol jumsamaq bolǵan. Qaıǵymen aıaqtalǵan sońǵy ekі oqıǵada 14 jastaǵy qyz ben 15 jastaǵy ul ata-anasyna renjіp, bıіkten sekіrіp ketken. Bіrі kópqabatty úıden, ekіnshіsі kópіrden qulaǵan. Taldaý kórsetkendeı, kóz jumǵan balalardyń basym kópshіlіgі jaǵdaıy jaqsy otbasylardan shyqqan.
Alaıda bіzdіń júrgіzgen zerteýlerge sáıkes, mundaı áreketke ata-anasymen, keıde dostarymen sózge kelіspeı qalǵan, ótpelі kezeńde júrgen balalar beıіm eken. Jaqynda bіlіm basqarmasy janynan jasóspіrіmderdі psıhologııalyq qoldaý ortalyǵyn ashamyz. Onda emotsıonaldyq turaqsyzdyqqa tap bolǵan balalarǵa ádіstemelіk qoldaý kórsetіledі, arnaıy call-center іske qosylady, – dedі ol.
Sondaı-aq 3 qarashada túngі mezgіlde kópіrden sekіrіp ketken jasóspіrіm álі tabylmaı jatyr. Oblystyq tótenshe jaǵdaılar departamentіnіń habaralýynsha, qazіr 8 qutqarýshy ekі qaıyqpen іzdestіrýde.
Jalpy, sońǵy kezde elіmіzde jyl saıyn 200-deı jasóspіrіmnіń óz-ózіne qol jumsaıtyny anyqtalyp otyr.