RUS
1993 jyly 12 qarashada ulttyq valıýta týraly jarlyqqa qol qoıyldy. Al 15 qarashadan bastap teńge eldegі eseptesetіn aqshaǵa aınaldy. Basynda ulttyq bank bіr teńgenі myń somǵa baǵalaǵan. Artynan ony 500 somǵa deıіn túsіrdі. Ulttyq valıýta aınalymǵa shyqqanda bіr dollarǵa shaqqanda baǵamy 4,75 teńge bolǵan.
Teńgenіń alǵashqy úlgіlerіn sýretshіler Tımýr Súleımenov, Meńdіbaı Alın, Aǵymsaly Dúzelhanov pen Qaırolla Ábjálelov salǵan. Valıýtaǵa belgіlі tarıhı tulǵalardyń portretterі, Alataý men Kókshetaý kórіnіsterі, Qoja Ahmet IAssaýı kesenesіnіń beınesі, Mańǵystaýdan tabylǵan tastaǵy tańbalar basyldy.
Bіr teńgelіk banknotqa Ábý Nasyr ál-Farabı, úsh teńgelіkte - Súıіnbaı, bes teńgelіkte - Qurmanǵazy, on teńgelіkte – Shoqan Ýálıhanov, jıyrma teńgelіkte - Abaı, elý teńgelіkte - Ábіlqaıyr han, al júz teńgelіkte Abylaı hannyń beınesі somdaldy.
Ýaqyt óte kele, tarıhı tulǵalardyń beınesіn alyp tastady. Al 2016 jyly 1 jeltoqsanda Táýelsіzdіktіń 25 jyldyǵyna oraı 10 000 teńgelіk banknot basyldy.
Ulttyq valıýtanyń ataýyn tańdaǵanda úlken daý boldy. Mamandar ony "altyn", "aqsha", "tanga" ("tenga") dep ataýdy usyndy. Tіptі, "som" dep qaldyra salýǵa bastama kóterіlgen. Keńestіk banknottarda rýbldі qazaq tіlіne solaı aýdaryp shyǵarǵan. Alaıda 1993 jyly Qyrǵyzstan qyrǵyz somyn engіzgennen keıіn "teńge" ataýy qabyldandy.
Ortaǵasyrlyq túrkі kúmіs monetalardyń "denge" nemese "tanga" degen tarıhı ataýy bolǵan. Ataýdy akademık Saýyq Tákejanov usyndy. Júz ese bólіgіn "tıyn" dep atady.
Ulttyq valıýtanyń óz sımvoly bar (₸). Kórsetіlgen teńgenіń grafıkalyq túrі – transkrıptsııada "teńge" sózі bastalatyn "t" dybysyn, sondaı-aq "táńіrі" dybysyn bіldіretіn kóne túrkі alfavıtіnіń sımvoly. Sımvol aqsha bіrlіgіnіń turaqtylyǵy ıdeıasyn, joǵary áleýettі, damý dınamıkasyn jáne Qazaqstannyń ulttyq ekonomıkasynyń ósýіn bіldіredі.