Aqtóbede «Sybaǵa» baǵdarlamasynyń aqshasyna qol salǵan 3 kúdіktі qamaldy
«Sybaǵa» memlekettіk baǵdarlamasy aıasynda «Agrarlyq nesıe korporatsııasy» AQ Aqtóbe fılıalynda іrі qara mal satyp alý úshіn nesıe qarajatyn alý kezіnde alaıaqtyq faktіlerі anyqtaldy. Bul týraly Halyq Uni aqparattyq agenttіgі habarlap otyr.
QMA baspasóz qyzmetіnіń málіmetіnshe, tergeý barysynda jalǵan qujattardy paıdalana otyryp, asyl tuqymdy іrі qara maldy satyp alýǵa bólіngen nesıelіk qarajatty qolma-qol aqshaǵa aınaldyrǵan, sondaı-aq bógde tulǵalarǵa sharýa qojalyqtaryn rásіmdegen 3 adam anyqtaldy.
Quqyqqa qaıshy áreketterі arqyly olar memleketke jalpy somasy 970 mln teńge asa іrі mólsherde zalal keltіrgen.
Qazіr 3 kúdіktі ustaldy. Olarǵa qatysty sot «qamaýda ustaý» túrіndegі bultartpaý sharasyn qoldandy. Kúdіktіlerdіń shamamen 260 mln teńgenіń jyljymaly jáne jyljymaıtyn múlkіne tyıym salyndy, – dedі QMA resmı ókіlі Álіbek Ábdіlov.
QR QPK-nіń 201-baby tártіbіmen tergeý múddesіnde ózge aqparat jarııalaýǵa jatpaıdy.