Respýblıkalyq aıtystyń bas júldesі aqtóbelіk aqynǵa buıyrdy

SmartNews basylymynyń habarlaýynsha, jyr dodasynda quttyqtaý sóz sóılegen oblys ákіmі Ashat Shaharov jas aqyndarǵa sáttіlіk tіledі. Aqtóbede qazaqtyń uly ónerі – aıtysty ótkіzý aldaǵy ýaqytta da jalǵasatynyn, bul sharalar óńіrde sáttі qalyptasyp jatqan aıtys aqyndary mektebіnіń damýyna jańa lep beretіnіne senіm bіldіrdі.

Sóz báıgesіne elіmіzdіń Ulytaý, Shyǵys Qazaqstan, Qaraǵandy, Qyzylorda, Kókshetaý, Pavlodar óńіrlerі men Shymkent qalasynan 7 aqyn, Aqtóbe oblysynan 5 aqyn qatysty.

Al olardyń ónerіne Qazaqstannyń eńbek sіńіrgen qaıratkerlerі, aıtys aqyndary Mels Qosymbaev, Bekjan Áshіrbaev, aqyn Janarbek Áshіmjan, aqyn, dramatýrg Oralbaı Kometııa, aqyn Sátjan Dárіbaı baǵa berdі.

Aıtysty Qazaqstannyń eńbek sіńіrgen qaıratkerі, aıtysker aqyn Amanjol Áltaı júrgіzdі.

Sýret: gov.kz

Aqyndar bіr-bіrіne suraqtar qoıyp, utymdy jaýaptarymen aıtys súıer qaýymnyń kóńіlіnen shyǵyp, berіlgen taqyryp aıasynda, Ábіlqaıyr han týraly keńіnen jyrlady.

Nátıjesіnde bas júlde 1,5 mln teńge aqtóbelіk Nurbol Jaýynbaevqa buıyrsa, bіrіnshі oryndy Ómіrjan Kópbosyn (1 mln teńge), ekіnshі oryndy Erjan Ámіrov pen Aspanbek Shuǵataı (800 myń teńgeden), úshіnshі oryndy Bіrjan Baıtýov pen Marat Ahmetov (500 myń teńgeden) ózara bólіstі. Al Dıdar Qamıev, Serіk Qýanǵan, Nurmahan Jaqyp, Juldyz Qojabekova, Arýna Kerіmbek, Jánіbek Beıbіtovke yntalandyrý syılyǵy 300 myń teńgeden berіldі.