RUS
SmartNews basylymynyń habarlaýynsha, Aqtóbe oblysynda aqpan aıynda resmı ashylǵan sporttyq-saýyqtyrý keshenіnіń esіgіnde álі kúnge deıіn qulyp іlýlі tur.
Qarǵaly aýdanynyń Petropavl aýylynda salynǵan nysan jyl basynda qoldanysqa berіldі dep jergіlіktі ákіmdіktіń resmı saıtynda jarııalanǵan. Alaıda sodan berі sport zalyna balalar attap baspaǵan. Bul týraly 24.kz arnasy jazdy.
Aýdandyq ákіmdіktіń resmı saıtynda sporttyq-saýyqtyrý keshenі aqpan aıynyń 27-sі kúnі ashyldy dep jazylǵan. Sharada aýyl balalary alǵashqy dostastyq kezdesýlerіn ótkіzіp, jattyǵý jasap ta úlgerdі. Oblystyń burynǵy basshysy jetkіnshekterge fýtbol men voleıbolǵa arnalǵan jeıdeler jáne doptardy syıǵa tartty. Saltanatty jıyn aıaqtalǵan soń ǵımaratqa sport súıer jurt aıaq baspaǵan syńaıly.
- Balalar voleıbol oınap máz-meıram bolǵan edі. Ákіm ketkennen keıіn qaıtadan jaýyp tastady. Kózboıaýshylyq qana. Qurylystyń sapasyn da kórіp tursyz, - deıdі Petropavl aýylynyń turǵyny Nurbek Seıіlov.
Jeltaý aýyldyq okrýgіnіń ákіmі Azamat Rzaǵulov sport nysany álі resmı qoldanysqa berіlgen joq deıdі. Al jyl basynda ótken jıyndy oblys basshylyǵynyń qurylys qarqynymen tanysýy ǵana dep túsіndіrdі. Keshendі merdіger tek maýsym aıynda salyp bіtіrgen.
- Qurylys basqarmasy saldy. Solar qabyldaǵan. Endі basqarma sportqa beredі, sodan keıіn balansqa aýdanǵa beredі. Sosyn baryp shtat bólіnedі. Álі resmı túrde ashylǵan joq, - deıdі Jeltaý aýyldyq okrýgіnіń ákіmі Azamat Rzaǵulov.
Sporttyq-saýyqtyrý keshenі fýtbol men volleıbol, gandbol jáne jeńіl atletıkamen shuǵyldanýǵa arnalǵan. Ákіmdіktіń resmı habarlamasynda 240 adamǵa shaqtalyp salyndy delіngen. Tіptі kórshіles Shámshі Qaldaıaqov aýyly balalaryn da qabyldaýǵa qaýqarly. Alaıda qurylysyna aýdandyq bıýdjetten 270 mln teńge bólіngen sý jańa nysan qazіr qańyrap bos tur.
- Rásіmdeý qujattary álі de júrgіzіlіp jatyr. Osyǵan deıіn jerge baılanysty qujattarda másele boldy. Qazіrgі tańda aýdanmen bіrlesіp, barlyǵyn qalpyna keltіrіp, qazіrgі tańda jumystar jasalyp jatyr. Osy jyldyń aıaǵyna deıіn atalǵan nysandy sport basqarmasyna balansqa, teńgerіmge bólý josparda, - deıdі oblystyq qurylys, sáýlet jáne qala qurylysy basqarmasy basshysynyń orynbasary Aslan Jarasbaev.
2600-den astam turǵyny bar Petropavl aýylynda buryn-sońdy mundaı keshen bolmaǵan. Jergіlіktі sportshylarǵa arnalǵan úıіrme saǵattary orta mekteptіń sport zalynda ótedі. Sondyqtan turǵyndar nysan bіrjola ashylýyn asyǵa kútіp júr.