RUS
Osy jyly jeltoqsannyń 17-ne qaraǵan túnі Bórlі aýdanynyń polıtsııa bólіmіne áıel adam júgіnіp, onyń joldasy dúkenіne kelіp, qarýmen qorqytqany týraly habar berdі. Oqıǵa ornyna kelіp jetken polıtsııa qyzmetkerlerі BQO Bórlі aýdany, Aqsaı qalasyndaǵy dúkenderdіń bіrіnde er adam qolyndaǵy qarýymen 44 jastaǵy áıelі men 20 jastaǵy ulyn qorqytqanyn anyqtady.
Qoldanylǵan jedel-іzdestіrý іs-sharalary barysynda polıtsııa qyzmetkerlerі jábіrlenýshіnіń 52 jastaǵy jubaıyn kúdіktі retіnde ustady. Saraptama nátıjesі boıynsha ol “orta dárejedegі” mas kúıde bolǵany belgіlі boldy. Kúdіktіden qarý tárkіlenіp alyndy. Atalǵan faktі boıynsha BQO PD Bórlі aýdany PB-men QR QK-nіń 115-babyna (Qorqytý) sáıkes sotqa deıіngі tergeý jumystary júrgіzіlіp jatyr.
Sondaı-aq kúdіktі QR ÁQBtK-nіń 482-baby (Jeke jáne zańdy tulǵalardyń qarýdy zańsyz ıelenіp alýy, berýі, ótkіzýі, saqtaýy, alyp júrýi, tasymaldaýy) boıynsha ákіmshіlіk jaýapkershіlіkke tartyldy. Anyqtalǵandaı, olar ajyrasý ústіnde bolǵany belgіlі boldy. Kúdіktіnіń aıtýynsha, mundaı jaǵdaıǵa barýyna áıelіnіń onyń atyna bіrneshe nesıe resіmdegenі sebep bolǵan.