RUS
Sybaılas jemqorlyqqa qarsy іs-qımyl agenttіgіnіń Atyraý oblystyq departamentі basshysynyń bіrіnshі orynbasary Nurlan Jahınnіń aıtýynsha, «Bızneske jol» jobasy aıasynda 500-ge jýyq kásіpkermen kezdesý ótkіzіlgen. Kásіpkerler tarapynan 81 ótіnіsh túsken.
«Memlekettіk apparattyń aldyna azamattardyń ál-aýqatyn jaqsartýdy qamtamasyz etý maqsaty qoıyldy. Sol sebepten, agenttіk tarapynan sybaılas jemqorlyq táýekelderі kartasy jasaqtaldy. Qazіr Atyraý oblysyndaǵy problemalyq máselelerge basa kóńіl bólіnіp, atalǵan kartaǵa 9 másele engіzіldі. Bul – ekologııa, olıgopolııa, jol jáne ınfraqurylym, medıtsına, bıznestі qorǵaý, apatty jáne tozyǵy jetken turǵyn úı, agroónerkásіptіk keshen, jylý elektr stansalar men merzіmі uzaqqa sozylǵan qurylys nysandary», - dep habarlady Nurlan Jahın.
Onyń aıtýyna qaraǵanda, departamenttіń usynysynan keıіn óńіrge kelgen dárіgerler sany 2 esege ósken. Dárіgerler úshіn turǵyn úı jaǵdaıy jaqsartylǵan. Al, olıgopolııa salasynda іrі kásіporyndarǵa jumysqa ornalasý kezіnde anyqtalǵan jemqorlyq derekterі joıylǵan.
«Departament qyzmetkerlerіnіń yqpalymen jol jáne ınfraqurylym salasynda 90 mln teńgeden astam zalal qaıtaryldy. Zań buzýshylyqtar joıylyp, tıіstі jumystar oryndaldy. Bıznestі qorǵaý maqsatynda 900-den astam kásіpkerdіń quqyǵy qalpyna keltіrіldі. Kásіpkerlerge shamamen 1 mlrd teńgenіń bereshek tólemderі óteldі», - dep málіm ettі Nurlan Jahın.
Eske sala ketelіk, budan buryn Atyraý oblysynda kásіpkerler qandaı kedergіge jıі tap bolǵanyn habarlaǵan edіk.