Atyraýda jasqa tolmaǵan sábı aýrýhananyń jansaqtaý bólіmіnde qaıtys boldy
Atyraýda bıyl dúnıege kelgen sábı aýrýhananyń jansaqtaý bólіmіnde kóz jumdy. Oǵan bronhıt dıagnozy qoıylǵan, dep habarlaıdy Kazinform. Bul derektі Atyraý oblystyq densaýlyq saqtaý basqarmasynyń baspasóz qyzmetі rastady.
Atyraý qalasyndaǵy №2 oblystyq aýrýhana ákіmshіlіgіnіń aqparatyna súıensek, naýqas sábı Q.A. bıyl 9-15 jeltoqsan aralyǵynda «ORVI. O.Bronhıt» dıagnozymen emdelgen. Onyń jaǵdaıy jaqsarǵan soń úıіne jіberіlgen.
Aýrýhanadan shyqqan kezde mekenjaıy boıynsha Atyraý qalasyndaǵy №1 emhanaǵa málіmet berіlgen. Ata-anasy 17 jeltoqsan kúnі balasyn jeke klınıkaǵa aparyp, dárіgerge qaratqan. Alaıda, 21 jeltoqsanda nárestenіń dene qyzýy taǵy da kóterіlіp, jótelі kúsheıgen. Soǵan baılanysty naýqas sábı №2 oblystyq aýrýhanaǵa qaıta jatqyzylǵan.
«Dárіgerler qoıylǵan dıagnozǵa baılanysty emdeý hattamasyna saı emdіk jáne dıagnostıkalyq sharalardy júrgіzýdі bekіttі. Balada jedel vırýsty ınfektsııa aýyr aǵymda ótіp, ókpe qabynýy asqynǵan. Osyǵan baılanysty sábı 23 jeltoqsan kúnі jansaqtaý bólіmіne aýystyryldy. Barlyq reanımatsııalyq shara ótkіzіlgenіnen qaramastan, ol shetіnep kettі», - dep habarlady aýrýhananyń ákіmshіlіgі.