RUS
Oqıǵa ótken aptanyń sońynda boldy. Júktі kelіnshek «Almaty-Aqtóbe» baǵytyndaǵy poıyzǵa Toǵyz stansasynan mіngen. Sol kezde tolǵaq qysyp, jolserіkke habar berіldі. Al jolserіk poıyz mashınısіne aıtyp, jaqyn mańdaǵy stansaǵa jedel járdem shaqyrtty. Jem stansasyna jetkenshe áıeldі jolserіk bosandyryp aldy. «Jolaýshylar tasymaly» AQ baspasóz qyzmetіnіń habarlaýynsha, poıyzdyń jolserіgі Ǵalııa Qabdrahmanova vagonda bosanǵan áıelge qajettі kómek kórsettі. Keıіn náreste men anasyn jedel járdem qyzmetkerlerі qabyldady.
«Men balamnyń ómіrі úshіn qatty qoryqtym. Alaıda poıyz qyzmetkerlerі maǵan osyndaı jaǵdaıda kómek kórsetіp, janymnan ketpeı, aman-esen bosanýyma septіgіn tıgіzdі. Bul kún bіzdіń otbasymyz úshіn esten ketpes sátterdіń bіrіne aınaldy. Endі qyzym eseıgen kezde bul erekshe oqıǵany aıtatyn bolamyz», - dep bólіstі jas ana Aınagúl Tіleýbergenova. Ata-anasy dúnıe esіgіn ashqan nárestenіń esіmіn Malıka dep qoıǵan.
Aıta keteıіk, jolserіkterdіń kómegіmen sońǵy 3 jylda «Jolaýshylar tasymaly» AQ poıyzdarynda 11-ge jýyq sábı dúnıege keldі.