RUS
«Bul — Prezıdenttіń tapsyrmasymen Ulttyq aýdarma bıýrosy mamandary 4 jyldan astam ýaqyttyń іshіnde arnaıy ázіrlegen sózdіk. Ony qazaq tіlіnіń mártebesіn halyqaralyq deńgeıge bıіktetetіn, onyń qýatyn, tіldіk aınalystaǵy, qoldanystaǵy áleýetіn kórsetetіn eńbek dep baǵalaýǵa bolady. Memlekettіk tіldіń Oxford sózdіkterіnіń qataryna іlіnýі, oǵan 60 myńnan astam sózdіk іrіktelіp, ǵylymı negіzde berіlýі — zor mártebe. Bul jumysqa Ahmet Baıtursynuly atyndaǵy Tіl bіlіmі ınstıtýtynyń ǵalymdary zor úles qosty», — dedі Senat depýtaty Nurtóre Júsіp sózdіktіń tanystyrylymynda.
Is-shara barysynda joba jetekshіsі Halyqaralyq «Qazaq tіlі» qoǵamdyq bіrlestіgіnіń prezıdentі Raýan Kenjehanuly sózdіktіń qalaı ázіrlengendіgіne toqtaldy.
«Álemde aýdarma sózdіkterdі daıyndaý barysynda, ásіrese ózge tіlderdі aǵylshyn tіlіmen baılanystyrýda eń bedeldі, eń tájіrıbelі uıym — Oxford baspasy. 150 jyldan berі sózdіk daıyndap, soǵan mamandanǵan», — dedі Raýan Kenjehanuly.
Onyń atap ótýіnshe, ózdіk qurastyrý aıasynda qazaq jáne aǵylshyn tіlі leksıkasyndaǵy ózgerіster, ásіrese qazіrgі mádenıet, aqparattyq tehnologııalar, medıtsına, ekonomıka, qarjy men saýda salalaryndaǵy jańalyqtar eskerіldі.
Sondaı-aq sózdіkte aǵylshyn jáne qazaq tіlderіnіń grammatıkasy men dybystaý, emle erejelerі túsіndіrіletіn qysqasha nusqaýlyqtar, qazaq tіlіndegі іskerlіk jáne elektrondy hat-habar jazý úlgіlerі berіldі.