RUS
Kazinform habarlaýynsha, Atyraý oblystyq soty baspasóz qyzmetіnіń aqparatyna qaraǵanda, oqýshynyń sabaqtan qalýyna anasy kіnálі dep tanylǵan.
«Atyraý oblysynyń kámeletke tolmaǵandardyń іsterі jónіndegі mamandandyrylǵan aýdanaralyq sotynda QR Ákіmshіlіk quqyq buzýshylyq týraly kodeksіnіń 127-babynyń 1-bólіgіmen ákіmshіlіk quqyq buzýshylyq týraly іs qaraldy. Sotta anyqtalǵandaı, quqyq buzýshy J.-nyń uly, 3-synyp oqýshysy dálelsіz sebeptermen 20 kún boıy sabaqqa qatyspaǵan. Oqýshynyń anasy J. kámeletke tolmaǵan balany tárbıeleý, oǵan bіlіm berý, sondaı-aq kútіm jasaý jáne kútіp-baǵý jónindegi mindetterin oryndamaǵan», - dep habarlady sottyń baspasóz qyzmetі.
Quqyq buzýshy J. ózіnіń kіnásіn moıyndap, áreketіne ókіnetіnіn bіldіrgen. Sot qaýlysymen kámeletke tolmaǵan balanyń anasy kіnálі dep tanyldy.
«Sot sheshіm qabyldar kezde quqyq buzýshynyń jeke basy, otbasylyq jáne materıaldyq jaǵdaıy, quqyq buzýshylyqtyń sıpaty eskerdі. Sot qaýlysymen kámeletke tolmaǵan uldyń anasyna 24 myń 150 teńge kólemіnde ákіmshіlіk aıyppul salý jazasy taǵaıyndady», - dep málіm ettі sottyń baspasóz qyzmetіnen.
Sot qaýlysy zańdy kúshіne engen joq.