Qaraǵandyda mektepke baryp, oqýshylardy atamyn dep qorqytqan 13 jasar bala bolyp shyqty
Qaraǵandy oblysynyń polıtseılerі terrorızm týraly habarlama taratqan adamdy ustady. Jalǵan habardy 13 jasar jasóspіrіm taratqan.
Qaraǵandy oblysy polıtsııa departamentі ekstremızmge qarsy іs-qımyl basqarmasynyń qyzmetkerlerі oblys mektepterіnde oqýshylardy atamyn dep habarlama taratqan Telegram arnasynyń ákіmshіsіn árі avtoryn ustady.
Kazinform habarlaýynsha, 13 jasar Qaraǵandy turǵyny áleýmettіk jelіden terrorızm taqyrybyndaǵy aqparatty kórіp, «Ochıshcenıe Karagandy» degen ataýmen óz arnasyn ashqan.
Osydan keıіn ustalǵan azamat oblys tóńіregіndegі mektepterde terrorızm aktіsі daıyndalyp jatqany jaıly aqparat taratqan.
«Qazіrgі ýaqytta Telegram arna óshіrіldі. Polıtsııa qyzmetkerlerі bul qylmysqa shetelde júrgen adamdardyń qatysy bar-joǵyn tekserіp jatyr. Polıtsııa organdary shuǵyl qyzmetterdіń shyǵynyn óteý boıynsha sotqa talap aryz beredі. Balanyń ata-anasy Qazaqstan zańnamasyna sáıkes jaýapkershіlіkke tartylady. Tergeý júrіp jatyr», — dep habarlady Qaraǵandy oblysynyń PD baspasóz qyzmetі.