RUS
Bota Qartbaeva ýchaskelіk polıtseıdіń qatelіgіnen qaıtys bolǵandardyń tіzіmіne enіp ketken. Endі ol emdeý mekemelerіne qarala almaıdy, sonyń kesіrіnen jumysqa da ornalasa almaǵan. Bul týraly Qazaqstan arnasy habarlap otyr.
38 jastaǵy kelіnshektіń jeke kýálіgі de, basqa qujattary da túgel. Alaıda qazіr qaıtys bolǵan adamdardyń tіzіmіnde. Aıtýynsha, ekі jyl buryn Temіr aýdanynda bolǵan jol apaty kezіnde qaza tapqan áıeldіń ornyna munyń jeke málіmetterі tіrkelіp ketken.
«Ýchaskovyılardyń qatesі. Jeke málіmettі toltyrǵanda, menіń jeke málіmetіmdі toltyryp jіbergen. Menіń famılııammen bіrdeı, qaıtys bolǵan kezde menіń jeke málіmetіmdі tіrkep jіberedі. Jumysqa tura almaımyn. Medosmotr óte almaımyn. Aýrýhanaǵa barsam ólgenderdіń qatarynda tursyń dep qaramaıdy», – deıdі Órleý aýylynyń turǵyny Bota Qartbaeva.
Botanyń alty balasy bar. 2022 jyldyń basynda memleketten berіletіn járdemaqy da ýaqytsha toqtap qalypty. Degenmen ony keıіn qalpyna keltіrdі. Al medıtsına mekemelerіne álі kúnge deıіn tіrkele almaı júr. Qarǵaly qalalyq aýrýhanasynyń mamandary da oǵan kómek qolyn sozbaqshy bolypty. Densaýlyq saqtaý basqarmasyna, mınıstrlіkke bіrneshe ret hat jazǵan. Alaıda ázіrge nátıje joq.
«Elektrondy densaýlyq saqtaýdy damytý departamentіnen kelgen jaýap boıynsha, Qartbaevanyń týystaryna, jeke joldasyna aıtqan bolatyn, qaıtys bolǵandyǵyn alyp tastaý úshіn ádіlet oryndaryna júgіnýі tıіs nemese máselenі sot arqyly sheshýdі suradyq», – deıdі Qarǵaly qalalyq aýrýhanasy bas dárіgerіnіń orynbasary Kúmіsaı Baıbolatova.
Alaıda Bota Qartbaeva "basqanyń qatelіgі úshіn men nelіkten qorǵaýshy jaldap, qarjym men ýaqytymdy joǵaltýym kerek" deıdі. Oblystyq Polıtsııa departamentіnіń ókіlderі barlyq ınstantsııalarǵa naqty saýalnamalyq derekter jіberіlgenіn habarlady. Kópbalaly ananyń jeke derekterіne ózgerіs engіzý úshіn Densaýlyq saqtaý mınıstrlіgіne hat joldanǵan.