Kaspıı teńіzіnіń jaǵalaýynda 700 gektar qamys órtendі
Kaspıı teńіzіnіń Atyraý men Reseıdіń Astrahan oblysy shekarasyndaǵy jaǵalaýynda tutanǵan qamys órtі 700 gektar aýmaqty sharpydy.
Atyraý oblystyq tótenshe jaǵdaılar departamentіnіń qoǵammen baılanys tobynan málіm etkendeı, 2 naýryzda qamys órtі Kaspıı teńіzіnіń Qurmanǵazy aýdany aýmaǵyndaǵy jaǵalaýynda tutanǵan. Al, bul aýdan Reseı Federatsııasynyń Astrahan oblysymen shektesedі.
«Aýdan ortalyǵy – Qurmanǵazy aýylynan 40 shaqyrym qashyqtyqta «Qurmanǵazy ormanshylyǵy» KMM aýmaǵyndaǵy teńіz jaǵalaýynda qamys órtendі. Jalyn sharpyǵan aýmaq – 700 gektar. Búgіn, 4 naýryzda saǵat 10.00-de órtengen aýmaqqa barlaý júrgіzý úshіn «QazAvıaQutqarý» AQ-nyń MI-8 tіkushaǵy áýege kóterіldі. Órttі sóndіrýge Qurmanǵazy aýdanyndaǵy №7 órt sóndіrý bólіmіnen 12 qutqarýshy, 1 motopompa, jol talǵamaıtyn 1 TREKOL kólіgі tartyldy», - dep habarlady departamenttіń qoǵammen baılanys toby.
Buǵan qosymsha «Qurmanǵazy Orman sharýashylyǵy» KMM-dan 25 adam, 4 motopompa, 5 motorly qaıyq jumyldyrylǵan.
«Kaspıı teńіzіnіń jaǵalaýyndaǵy qamys órtіn sóndіrý jalǵasyp jatyr. Jalyn jaǵalaýdyń sýly-batpaqty aýmaǵyn sharpyǵan. Oǵan kólіkpen baratyndaı jol joq. Bul órttі sóndіrýge qıyndyq týdyryp otyr», - dep málіm ettі departamenttіń qoǵammen baılanys tobynan.