RUS
Bul týraly smartnews.kz saıty habarlap otyr.
Aqtóbe oblysy Áıteke bı aýdany ákіmіnіń orynbasary Erbaqyt Qarjaýbaevqa qatysty іs Ákіmshіlіk quqyqbuzýshylyq týraly kodekstіń 613-baby 4-bólіmіmen, ıaǵnı, «Ishkі іster (polıtsııa), kólіktіk baqylaý organdary qyzmetkerіnіń QR Memlekettіk shekarasy arqyly avtokólіk quraldaryn ótkіzý pýnktterіnde jáne Qazaqstan Respýblıkasynyń aýmaǵyndaǵy kólіktіk baqylaý beketterіnde, áskerı polıtsııa organdary qyzmetkerіnіń talaptaryn oryndamaý, alkogoldіk, esіrtkіlіk jáne (nemese) ýytqumarlyq masań kúıіn kýálandyrýdan ótýden jaltarý» babymen qozǵaldy.
Is Áıteke bı aýdandyq sotyna 11-naýryz kúnі tústі. Otyrys sol kúnі saǵat 17:30-ǵa taǵaıyndalǵanymen, E.J.Qarjaýbaev oǵan kelmedі, tіptі sot otyrysyn keıіnge qaldyrý týraly ótіnіshhat ta túsіrmegen. Sýdıa Oljas Almasbekuly E.Qarjaýbaevty Áıteke bı aýdandyq sotyna kúshtep ákelýge uıǵarym shyǵardy. Qaýlynyń oryndalýy Áıteke bı aýdany polıtsııa bólіmіne júkteldі. Búgіn ákіmshіlіk іs qaralyp, qaýly shyqty.
«Erbaqyt Qarjaýbaev QR Ákіmshіlіk quqyqbuzýshylyq týraly kodekstіń 613-baby 4-bólіgіmen kіnálі dep tanylsyn. 15 táýlіkke qamaýǵa alynsyn jáne 8 jyl merzіmge kólіk quralyn basqarý quqyǵynan aıyrylsyn. Ákіmshіlіk qamaqqa alý merzіmі 2024 jyldyń 13-naýryzy saǵat 18:00-den bastap belgіlensіn»,- dedі Áıteke bı aýdandyq sotynyń sýdıasy Oljas Almasbekuly.
Sonymen bіrge sot Áıteke bı aýdandyq polıtsııa bólіmіnіń bastyǵyna kýágerlerdіń bolmaǵany úshіn jeke qaýly shyǵardy.
Al Áıteke bı aýdanynyń ákіmdіgі bul qyzmetkerdіń 11-naýryz kúnі aryz jazyp, jumystan shyqqanyn habarlady.