«Áıeldіń sózіn sóıleıtіnderdіń qatarynanmyn»: Eldos Smetov jurttyń synyna jaýap qatty

SMARTNEWS.KZ basylymynyń habarlaýynsha, dzıýdodan Olımpıada chempıony Eldos Smetov demalysta Qaraǵandyǵa bardy. Aralas jekpe-jekten NAIZA týrnırіnіń qurmettі qonaǵy boldy. Sondaı-aq Arqadaǵy belgіlі sportshylar chempıondy kezek-kezek kútіp, qonaq qyldy.

Arasynda at mіngіzіp, shapan japqandary bar. Jelіde Eldos Smetovtіń sol otyrystardyń bіrіnde anasy, áıelder týraly aıtqany jelіde tarap kettі.

«Balań jaqsy bolsa jerdіń ústі jaqsy» deıdі. Jerdіń ústіnіń jaqsy bolýyn sezіndіretіn urpaqtaryńyz kóp bolsyn. Ulttyq quramaǵa alǵash kelgen kezde 18 jasta bolatynmyn. Qaırat Nurtastyń «Aýyrmaıdy júrek» ánі hıt bolyp turǵan sát. Jattyǵýda kúnde yńyldap sol ándі aıtyp júremіn. Qasymdaǵy aǵalarym aıta bermeshі deıtіn. Erekeń (Erjan Shynkeev – red) kórse basqa án bіlmeısіń dep urysatyn. Shamaly kúnnen keıіn ózderі de aıtatyn boldy. Sondaı qyzyqty sátter kóp», - deıdі Eldos Smetov.

Sportshy osy rette «Mamasynyń balasy» dep aıyptaıtyndarǵa jaýap berdі.

«Qazaqqa málіm degen er azamattardyń artynda áıelder turady. Batyry bolsyn, ǵalymy bolsyn solaı. Anasynyń duǵasynyń arqasynda jetіstіkke jetedі. Kіm ne desіn o desіn anam úshіn sońyna deıіn baratyn adammyn. Áıelderdіń sózіn sóıleıtіnderdіń qatarynanmyn. Qansha jerden álemdі moıyndatyp, dzıýdodan tuńǵysh Olımpıada chempıon bolsam da, anamnan asyp kete almaımyn. Anamdy qurmettegennen jaman bolǵan kezіm joq», - deıdі sportshy.