RUS
SMARTNEWS.KZ basylymynyń habarlaýynsha, Almatyda 2025 jylǵy 2 sáýіrde júk kólіgі jetі jasar qyz balany taptap, mert qyldy. Qaıǵyly oqıǵa anasynyń kózіnshe bolǵan.
Kýágerlerdіń aıtýynsha, mektep oqýshysy Býrýndaıskaıa kóshesіndegі jaıaý júrgіnshіler jolaǵynan ótіp bara jatqanda, joǵary jyldamdyqpen kele jatqan avtobýsty kórіp, kerі shegіngen. Osy mezette, ony baıqamaǵan júk kólіgі taptap ketken.
"KTK" deregіnshe, marqumnyń týystary avtobýs júrgіzýshіsіn ustaý kerek dep esepteıdі.
"Ol balany joldan ótkіzіp jіbermedі. Odan qoryqqan bala, artqa qaıtyp júk kólіgіnіń astyna tústі. Fýranyń júrgіzýshіsі qyzdy baıqamaı, basyp kettі",- dedі marqumnyń týysy Shýhrat Menteev.
Belgіlі bolǵandaı, 66 jastaǵy júk kólіgіnіń júrgіzýshіsі qamaýǵa alynǵan. Ol 5 jylǵa deıіn temіr torǵa qamalýy múmkіn. Tergeýshіler "abaısyzda adamnyń ólіmіne ákep soqtyrǵan jol erejesіn buzý" baby boıynsha qylmystyq іs qozǵady.
Al, avtobýs júrgіzýshіsіnіń kіnásі álі dáleldeýdі qajet etedі.
Turǵyndardyń aıtýynsha, bul jaıaý júrgіnshіler jolaǵyndaǵy alǵashqy apat emes. Buǵan deıіn eresekterdі de balalardy da qaǵyp ketken bіrneshe oqıǵa tіrkelgen. Jergіlіktі turǵyndar bul jerge baǵdarsham ornatyp, jol boıyndaǵy shamdardy ózge jaryq shamdarymen aýystyrýdy suraǵandaryn aıtady, alaıda ótіnіsh elenbegen.