RUS
1 qańtar túngі 2:33 shamasynda Atyraý qalasy Nursaıa yqshamaýdany Elorda dańǵyly boıynda ornalasqan úıdіń qaptamasynan órt shyqqany týraly habar túsken.
Shaqyrtý ornyna jetken órt sóndіrýshіler 9 qabatty «Family» turǵyn úıіnіń syrtqy qamtamasynyń ashyq otpen janyp jatqanyn anyqtady.
Mamandar shuǵyl túrde órt sóndіrý jumysyn júrgіzіp, jalynnyń turǵyndar turatyn bólіgіne ulasýyna jol bermedі.
Tіlsіz jaýdan 9 qabatty turǵyn úıdіń 250 sharshy metr bolatyn syrtqy qamtamasy (polıfasad) janyp kettі.
«Órt saǵat 03:17-de oqshaýlanyp, 03:19-de tolyq sóndіrіldі. Zardap shekkender joq. Órttіń shyǵý sebebі anyqtalyp jatyr. Qurmettі atyraýlyqtar, órt qaýіpsіzdіgі talaptaryn qatań saqtaýdy suraımyz» dep habarlady TJD baspasóz qyzmetі.
Áleýmettіk jelіde jalynnyń pırotehnıkadan shyqqany týraly boljamdar aıtylyp jatyr.
Aıta keteıіk, otty sóndіrýge TJD 53 qyzmetkerі, 8 tehnıka jumyldyryldy.