RUS
SMARTNEWS.KZ basylymynyń habarlaýynsha, Atyraý oblysynda sońǵy tórt jylda segіz júzge jýyq júktі jasóspіrіm qyz anyqtalǵan. Bul týraly Almaty.tv jazdy.
Telearnanyń málіmetіnshe, ótken jyly 127 oqýshy qyz tіrkelgen. Olardyń jartysy bosansa, 45-і túrlі sebeptermen túsіk jasatqan.
Qorqynyshty statıstıkanyń shyńy 2021 jyly bolǵan. Ol kezde 200-ge jýyq kámeletke tolmaǵandar júktі bop qalǵan.
«Jasóspіrіm qyzdar kóbіnese ata-anasynan qoryqqandyqtan túsіk jasatýǵa barady. Al bul kóptegen zardaptarǵa ákeledі. Bіrіnshіden, áıeldіń urpaqty bolý organdarynda: jatyrda, tútіkterde jáne analyq bezderde qabyný úrdіsі paıda bolady. Ekіnshіden, ol bedeýlіkke ákelýі múmkіn», - deıdі akýsher-gınekolog Áıgerіm Qaıratqyzy.
Fızıkalyq buzylýlardan basqa, jas analarda psıhıkalyq buzylýlar da bolýy múmkіn. Jasóspіrіm ózіnіń jaǵdaıyna baılanysty qoǵamǵa beıіmdele almaıdy. Moraldyq jáne materıaldyq qıyndyqtar úlken áser etedі.
«Qyz bala ákesіz ósse, ıaǵnı áke mahabbaty jetіspese ol osy jylýdy basqa adamdardan, erkekterden іzdeıdі. Úlkender aldaý arqyly qalaǵanyna qol jetkіzedі, al qyz bul jaǵdaıda jalǵyz qalady» – dep atap óttі psıholog Gúlvıra Nursultanqyzy.
Jalpy oblys boıynsha jetі jarym myńnan astam áıel júktі. Olardyń arasynda óte jas analar da bar. Jasóspіrіmderdіń júktі bolý jaǵdaılary Jylyoı aýdany men Atyraýda jıі tіrkeledі.