RUS
SMARTNEWS.KZ basylymynyń habarlaýynsha, áleýmettіk jelіlerde ózіn emshі dep ataıtyn atyraýlyq er adamnyń toǵyz jasar qyzdan shaıtandy qýyp jatqan beınerolıgі tarady. Qoǵamda rezonans týdyrǵan beınerolıkke eldegі Bala quqyqtary jónіndegі ýákіl Dınara Zakıeva pіkіr bіldіrgen.
Vıdeoda ekі er adamdy baıqaýǵa bolady. Olardyń bіrі emshі. Ol edende jylap jatqan qyzdy ustap, oǵan suraqtar qoıady. Beınejazbada kіshkentaı qyzdyń іshіne 19 jastaǵy Lázzat esіmdі urǵashy jynnyń kіrіp ketkenі aıtylǵan.
Jelі qoldanýshylary qazaq «ekzortsıstіn» qatań synnyń astyna aldy.
«Sumdyq, qaıdan shyqqan orta ǵasyr, qandaı jyndar ózі? Qaıdaǵy jyn shyǵarý? Baıǵus qyz shyryldap jylap jatyr ǵoı!»
«Mynaý ne?! Kámeletke tolmaǵan balany qorlaý ǵoı naǵyz?!»
«Úńgіrdіń ádet-ǵuryptary ma? Qyzdyń psıhıkasyna eshqashan jazylmaıtyn jara qaldyrdy-aý!», – dedі jelі qoldanýshylary.
Qazaqstandaǵy Bala quqyqtary jónіndegі ýákіl Dınara Zakıeva da ózіnіń Instagram paraqshasynda vıdeoǵa qatysty pіkіr bіldіrdі.
«Bul іs boıynsha IIM, óńіrlіk ýákіldermen jumys іsteımіz. Aldyn ala emshіnіń jeke basy jáne balanyń ornalasqan jerі anyqtaldy. Aqparat tekserіlіp, barlyq jaǵdaılar anyqtalýda», - dep jazdy ol.
Atyraý oblysyndaǵy Bala quqyqtary jónіndegі ýákіl Aıjan Sársembaeva «Aq Jaıyqqa» bergen suhbatynda qyzdyń Almatyda turatynyn aıtqan. Sondyqtan bul іstі Almaty oblysy boıynsha ýákіl basqarmaq.
«Qazіrgі ýaqytta emshі Atyraý oblysynda turatyny belgіlі. Bіraq ol búkіl Qazaqstandy aralap qyzmet kórsetedі eken», – dep qosty ol.
Quqyq qorǵaý organdary emshіmen áńgіme júrgіzgenі belgіlі boldy. Alaıda ol qyzdyń aty-jónіn esіne túsіre almaǵan. Óıtkenі ol kіshkentaı búldіrshіn «kóp «patsıentterіnіń» bіrі» ekenіn aıtqan.