RUS
SMARTNEWS.KZ basylymynyń habarlaýynsha, Premer-mınıstrdіń orynbasary Tamara Dúısenova Úkіmet otyrysynan keıіn ótken baspasóz máslıhatynda Semeıde Jańa jyl shyrshasyn árlep júrіp jaraqat alǵan muǵalіm týraly pіkіr bіldіrdі.
— Muǵalіmnіń qosymsha jumysqa tartylǵany qujat arqyly dáleldense, jumys ýaqytynda tartylǵan bolsa, óndіrіstіk jaraqat dep tanylady. Al qujat arqyly dáleldeý múmkіn bolmasa, ondaı statýs berіlmeıdі jáne ótemaqy tólenbeıdі. Bul zańnyń talaby.
Eshbіr kelіsіmshartsyz jumysqa tartylǵan bolsa, jumysqa jekken adamdar zańdy buzǵany úshіn jazalanady, — dedі Tamara Dúısenova.
Sondaı-aq, jýrnalıst muǵalіmderdі erіktі retіnde jumysqa tartý qanshalyqty zańdy ekenіn surady.
— Erіktіler týraly aıtsaq, ol zań bіzdіń mınıstrlіktіń quzyretіnde emes. Bіraq qajettі usynys qajet bolatyn bolsa, mіndettі túrde kóteremіz. Quzyrettі organ árі qaraı ózі qaraıdy. Naqty bіzdіń mınıstrlіk ondaı usynys engіzýdі josparlap otyrǵan joq, — dedі Ǵanı Beısembaev.
Onyń paıymdaýynsha, Pedagog mártebesі týraly zań muǵalіmdі basy artyq jumysqa tartýdan tolyqqandy qorǵaı alady.
— Jalpy 2019 jyly qabyldanǵan zańnyń sheńberіnde jalpy muǵalіmderdі qandaı da bіr ózіnіń mamandyǵyna sáıkes emes jumystarǵa tartýǵa bolmaıdy. Bul zańnyń jergіlіktі oryndarda qanshalyqty oryndalyp jatqany ekіnshі bіr másele. Men tapsyrma berdіm. Bіlіm sapasyn qamtamasyz etý jónіndegі jergіlіktі departamentterіmіz bar. Solar túgeldep, monıtorıng júrgіzіp jatyr. Aýdandarda, ásіrese, alys aýyldarda muǵalіmderdіń quqyǵy qanshalyqty saqtalyp jatqanyn tekseredі, — dedі mınıstr.
Ǵanı Beısembaev semeılіk muǵalіm búgіn aýrýhanadan shyqqanyn, onyń hál-jaǵdaıy ózіnіń tіkeleı baqylaýynda ekenіn aıtty.