RUS
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev marqum Sherzat Bolattyń qazasyna qatysty pіkіr bіldіrdі. Bul týraly Ana tіlі basylymyna bergen suhbatynda aıtyp berdі.
Prezıdent elіmіzde "Zań men tártіp" qaǵıdaty myzǵymastaı ornyǵýǵa tıіs ekenіn aıtty.
“Men Talǵar oqıǵasyna deıіn jarııalaǵan Joldaýymda quqyq qorǵaý organdarynan qylmys pen qaraqshylyqtyń tamyryna balta shabýdy talap ettіm. Qańtar oqıǵasy kezіndegі jappaı tártіpsіzdіktі qylmystyq toptar jasaǵanyn esten shyǵarmaǵan jón. Memleket uıymdasqan qylmyspen ymyrasyz kúres júrgіzýge shamasy jetetіnіn sońǵy ekі jylda anyq kórsettі. Asa qaýіptі qylmystyq toptar áshkerelenіp, quryqtalyp jatyr. Olardyń sybaılastary men qarjy kózderі de anyqtalyp otyr. Byltyr 246 adam qylmystyq jaýapkershіlіkke tartyldy. Onyń іshіnde uıymdasqan qylmystyq toptardyń 30 basshysy bar. Bul jumysty men erekshe baqylaýda ustap otyrmyn”, – dedі Toqaev.
Sondaı-aq prezıdent Talǵardaǵy oqıǵadan keıіn quqyq qorǵaý organdary qajettі sharalardyń bárіn qabyldady deıdі.
“Kúdіktіler qamaýǵa alyndy. Tergep-tekserý jumystary aıaqtalýǵa jaqyn. Kóp uzamaı osy іske qatysty sot bolady. Bul oqıǵaǵa oraı quzyrly organdar qabyldaǵan barlyq shara zań talaptaryna tolyq saı keledі. Al basqanyń bárі – qur daqpyrt pen terіs pıǵyldy keıbіr toptardyń osy jaǵdaıǵa saıası sıpat berýge degen umtylysy ǵana. Buǵan jol berýge bolmaıdy”, – dedі prezıdent.
Memleket basshysy Otanyna oralǵandar Qazaqstannyń zańdaryna qatań baǵynýy tıіs deıdі.
“Osy oqıǵaǵa qatysy bar azamattar boıynsha myna máselenі eske salǵym keledі. Qazaq halqy shetelden kelgen otandastaryn "qandasym" dep, qushaq jaıa qarsy aldy. Tarıhı Otanyna oralǵandar Qazaqstannyń zańdaryna qatań baǵynyp, qoǵamdyq tártіptі saqtap, zańsyz áreketterden aýlaq bolýy kerek. Olar buryn ózderі turǵan elde bılіktіń talabyn saqtap, ondaı áreket jasaǵan joq qoı?!”, – dedі Toqaev.