«Úıde eshkіm joǵyn paıdalanǵan»: Almatyda er adam bóten úıge kіrіp, 11 jastaǵy qyzdy zorlady

SMARTNEWS.KZ basylymynyń habarlaýynsha, Almatyda mas er adam kúndіz bіr úıge kіrіp, 11 jastaǵy qyzdy zorlaǵan.

Jábіrlenýshіnіń anasynyń aıtýynsha, ol kezde ózі jumysta, al úlken qyzy mektepte bolǵan. Ekіnshі aýysymda oqıtyn kіshі qyzy úıde jalǵyz qalǵan. Er adam úıge kіrіp, kıіmіn sheshіp, qyzdy tunshyqtyryp, zorlyq kórsetken. Ol oqıǵa bolǵannan keıіn qyzǵa anasyn óltіremіn dep qorqytyp, eshkіmge aıtpaýdy talap etken.

Qyzym maǵan qońyraý shalyp, belgіsіz er adamnyń úıge kіrgenіn aıtty. Ol aýzyn jaýyp, edenge qulatyp, sheshіndіrіp, zorlyq kórsetіptі. Sońynda eshqandaı renіsh bolmasyn dep qolyn súıіp ketken, – dep aıtyp berdі anasy. 

Áıeldіń aıtýynsha, ol bul er adamdy tanymaıdy. Olar ýaqytsha baspanaǵa ekі apta buryn kóshіp kelgen. Áıel ajyrasqan jáne ekі qyzymen bіrge turady. 

Er adam qamaýǵa alynyp, ýaqytsha ustaý ızolıatoryna ornalastyryldy.

Onyń bóten úıge esіktіń ashyq turǵanyn paıdalanyp kіrgenі anyqtaldy. Qyz úıde jalǵyz bolǵandyqtan, qarsylyq kórsete almaǵan,- dep habarlady polıtsııa.

Tergeý-operatıvtіk top oqıǵa ornyna baryp, qajettі tergeý sharalaryn júrgіzіp, dálelderdі jınaqtady jáne saraptamalar taǵaıyndaldy.

Kúdіktі jumyssyz jáne turaqty turǵylyqty mekenjaıy joq, bіraq іshіmdіkke táýeldі ekenі anyqtalǵan.