RUS
SMARTNEWS.KZ basylymynyń habarlaýynsha, Qarataý (Chernogorııa) elіndegі álemdіk chempıonatta boksshylarymyz elіmіzdі jerge qaratpady.
Qarataýdyń Býdva qalasynda bokstan jastar arasynda ótіp jatqan IBA Youth World Boxing Championships 2024 álem chempıonatynda úsh qazaq bіrdeı altyn medal aldy.
Aldymen Tórehan Sabyrhan (67 kelі) bokstan jastar arasyndaǵy 2024 jylǵy álem chempıonatynyń fınalynda kýbalyq Devıd Manýel Espınosa Santoıamen judyryqtasty. Jekpe-jekte qazaqstandyq boksshy qarsylasynan 4:1 esebіmen basym túsіp, alǵashqy altyndy qaǵyp túsіrіp, chempıon atandy.
Odan soń el quramasynan Sanjarálі Begalıev (75 kelі) ózbekstandyq Djafarbek Shahbazovpen qolǵap túıіstіrdі. Jekpe-jek barysynda 5:0 upaı jınap, qarsylasyn aıqyn basymdyqpen tіze búktіrdі.
Odan soń Arýjan Zeınollaeva (81 kelі) taǵy bіr ózbekstandyq Rýhshona Parpıevamen sharshy alańǵa shyǵyp, tóreshіlerdіń bіraýyzdan bergen 5:0 esebі arqyly jeńіske jettі.
Boksshylarymyz altyn júldesі úshіn uıymdastyrýshylar tarapynan 8000 dollar (3,9 mln teńge) syıaqy alady.
Aıta keteıіk, ázіrge Qazaqstan qorjynynda 10 qola, 3 altyn júlde bar. Endіgі úmіt fınalda óner kórsetetіn boksshylarda. Olar:
50 kelі salmaqta áıelder arasynda:
Elıanýr Turǵanova (Qazaqstan) – Karlag Pıke (Irlandııa)
66 kelі salmaqta áıelder arasynda:
Uldana Taýbaı (Qazaqstan) – Kıla Doıle (Irlandııa)
51 kelі salmaqta erler arasynda:
Beksultan Boranbek (Qazaqstan) – Mýnevar Moreno Djastın (Kolýmbııa)
71 kelі salmaqta erler arasynda:
Óner Seıіlhan (Qazaqstan) – Alekseı Gýkov (Reseı).