Astanada «Eńbek salasyndaǵy áıelder: jańa sheshіmder ýaqyty» Qazaqstannyń eńbekshі áıelderіnіń I forýmy óttі

SMARTNEWS.KZ basylymynyń habarlaýynsha, іs-shara Qazaqstan Respýblıkasy Kásіpodaqtar Federatsııasynyń Halyqaralyq eńbek uıymymen bіrge Mádenıet jáne aqparat mınıstrlіgіnіń qoldaýymen uıymdastyryldy.

Forýmǵa kásіpodaq uıymdarynyń kóshbasshylary, Parlament Májіlіsіnіń depýtattary, QR Prezıdentiniń janyndaǵy Áıelder іsterі jáne otbasylyq-demografııalyq saıasat jónindegi ulttyq komıssııa múshelerі, sarapshylar, ulttyq kásіportalyqtar-árіptesterdіń kóshbasshylary, áleýmettіk árіptester qatysty.

Qatysýshylar jumys іsteıtіn áıelderdі laıyqty eńbek jaǵdaılarymen qamtamasyz etýdіń ózektі máselelerіn, jemіstі jumys tájіrıbelerіn talqylady, sondaı-aq «Qazaqstan Respýblıkasyndaǵy áıelderdіń eńbek quqyǵy» áleýmettanýshylyq zertteýіnіń nátıjesіmen tanysty.

«Turaqty damýdaǵy áıelderdіń áleýetі» sektsııasynda QR MAM Jastar jáne otbasy іsterі komıtetі tóraǵasynyń orynbasary Naıla Muhtarova óz sózіnde qoǵamda genderlіk teńdіk qaǵıdattaryn іlgerіletý sheńberіnde vedomstvo qabyldaıtyn sharalar týraly aıtyp óttі.

«Bіz halyqaralyq kórsetkіshterge jáne TDM-5 sáıkes genderlіk teńdіkke qol jetkіzýge umtylyp jatyrmyz. Áıelderdіń teń quqyǵyn іske asyrý jáne múmkіndіkterіn keńeıtýdіń  zańnamalyq negіzі quryldy. 2030 jylǵa deıіngі Otbasylyq jáne genderlіk saıasat tujyrymdamasy іske asyrylýda. Úkіmette erler men áıelderdіń teń quqyqtary men múmkіndіkterіn іlgerіletýdі qamtamasyz etý jónіndegі áreket jospary ázіrlenіp jatyr.

BAQ arqyly aqparattyq jumys, oqytý, halyq arasynda túsіndіrý jumystary júrgіzіlýde. BUU agenttіkterіmen bіrlesіp, bіz muǵalіmderdі, memlekettіk qyzmetkerlerdі genderlіk teńdіktіń negіzgі uǵymdary, teńdіk jáne kemsіtpeý mádenıetі, genderlіk quzyretterdі oqytamyz. Genderlіk teńdіk máselelerі boıynsha nekege turǵan erlі-zaıyptylardy aqparattandyrý boıynsha joba іske asyrylýda», - dep atap óttі Naıla Muhtarova.

Forým delegattary kásіporyndarda eńbekshі áıelderdіń quqyǵyn qorǵaý, áıelderge ujymdyq kelіsіmsharttarda áleýmettіk kepіldіktі bekіtý, sonymen qatar densaýlyq saqtaý, demalys uıymdastyrý, oqý-aǵartý jáne nátıjelі jumyspen qamtý salalarda áıelderdі qoldaý boıynsha baǵdarlamalar men jobalar týraly oıyn ortaǵa saldy.

Is-shara sońynda Qazaqstandaǵy eńbekshі áıelderdіń quqyqtaryn qorǵaý men teń múmkіndіkterdі qamtamasyz etý úshіn usynystar týraly qarar qabyldandy.