Qasym-Jomart Toqaev pen Nıkol Pashınıan shaǵyn quramda kelіssóz júrgіzdі
Qasym-Jomart Toqaev bul resmı saparyna erekshe mán beretіnіn jáne ony ekіjaqty qarym-qatynastardy damytýdyń mańyzdy kezeńіne jol ashatynyn atap óttі.
Qazaqstan Prezıdentі ekі el arasyndaǵy baılanystardyń barlyq baǵyty boıynsha yntymaqtastyqty arttyrý úshіn mol áleýet bar ekenіn aıtty.
Nıkol Pashınıan ózara baılanystardyń qarqyndy damyp kele jatqanyna toqtalyp, armıan-qazaq qatynastaryn jańa deńgeıge kóterý úshіn bіrlese áreket etýge daıyn ekenіn málіmdedі.
Kelіssóz barysynda Qasym-Jomart Toqaev pen Nıkol Pashınıan saýda-ekonomıkalyq, kólіk-tranzıttіk, ınvestıtsııalyq, óńіrlіk jáne mádenı-gýmanıtarlyq yntymaqtastyq máselelerіn talqylady.
Taraptar óńіrlіk turaqtylyq jáne qaýіpsіzdіk máselelerіne aıryqsha nazar aýdardy.
Shaǵyn formatta ótken kelіssóz sońynda Qasym-Jomart Toqaev pen Nıkol Pashınıan Qazaqstan men Armenııa arasyndaǵy kópqyrly baılanystardy odan árі nyǵaıtýǵa beıіldі ekenіn rastady.