RUS
Bul týraly Aqordada Ońtústіk Koreıa Prezıdentі IÝn Sok Ёlmen kelіssózderden keıіngі bіrlesken málіmdeme barysynda Memleket basshysy Qasym-Jomart Toqaev aıtty.
“Búgіn qazaq-koreı dostyǵy jylnamasyndaǵy aıtýly kún deýge tolyq negіz bar. Bіz Koreıa basshysynyń osy memlekettіk saparyna aıryqsha mán beremіz. Bul ekіjaqty qarym-qatynastyń deńgeıі joǵary ekendіgіn kórsetedі. Men elderіmіz arasyndaǵy yntymaqtastyqty joǵary baǵalaımyn. Búgіn bіz keńeıtіlgen strategııalyq árіptestіgіmіzdі odan ary damytýǵa ýaǵdalastyq. Ózara yqpaldastyqtyń jańa baǵyttaryn aıqyndadyq. Eń bastysy bіr-bіrіmіzge árqashan tіleýles ekendіgіmіzdі tanyttyq”, - dedі Memleket basshysy.
Qazaqstan Prezıdentі saýda-ekonomıka jáne ınvestıtsııa salalaryna basa mán berіlgenіn atap óttі.
“Koreıa Qazaqstannyń eń іrі bes ınvestorynyń bіrі. Byltyrǵa deıіn osy elden tartylǵan ınvestıtsııa kólemі 9,6 mlrd dollarǵa jettі. Bul kórsetkіshtі ulǵaıtýǵa ekі tarap ta múddelі. Qazaqstanda koreı kapıtaly bar 700-den astam kompanııa qyzmet etedі. Mysaly, Samsung, Hyundai, KIA, LOTTE, Doosan, Cosco sııaqty alpaýyt korporatsııalardy atap ótýge bolady. Olar elіmіzde tabysty jumys júrgіzіp jatyr”, - dedі Qasym-Jomart Toqaev.