Qazaqstandyq tórt tennısshі Ýımbldon týrnırіnіń іrіkteý satysynda baq synaıdy
Búgіn Londonda Ýımbldon týrnırіnіń іrіkteý saıystary bastalady.
Jyldyń úshіnshі «Úlken dýlyǵa» jarysynyń іrіkteý satysynda tórt bіrdeı qazaqstandyq tennısshі baq synaıdy.
Álemnіń 132-raketkasy Mıhaıl Kýkýshkın іrіkteýdіń shırek fınalynda reıtıngіde 278-orynda turǵan ýkraınalyq Vıtalıı Sachkodan ótýge tyrysady.
Álemnіń 163-raketkasy Denıs Evseevtіń qarsylasy – reıtıngіde 171-satydaǵy frantsııalyq Matteo Martıno.
Reıtıngіde 208-oryndaǵy Beıbіt Juqaev álemnіń 154-raketkasy, aýstralııalyq IÝrıı Rodıonovpen sheberlіk baıqasady.
Taǵy bіr qazaqstandyq, 229-oryndaǵy Tımofeı Skatov álemnіń 158-raketkasy, ıtalııalyq Andrea Pellegrınomen synǵa túsedі.
Germanııadaǵy Galle ATP 500 týrnırіnde ótken jylǵy upaıyn qorǵaı almaǵan Qazaqstannyń bіrіnshі raketkasy Aleksandr Býblık búgіn jańartylǵan reıtıngіde 17-orynnan 23-ke syrǵydy. Osy aptada ol Istbýrn (Ulybrıtanııa) ATP 250 jarysynda 3-raketka bolyp tіrkelgendіkten, dodany ekіnshі aınalymnan bastaıdy.
Dúnıejúzіlіk reıtıngіde 58-ornyn saqtap qalǵan Aleksandr Shevchenko Malorka (Ispanııa) ATP 250 týrnırіnіń alǵashqy aınalymynda reıtıngіde 91-satydaǵy frantsııalyq Konstan Lestenmen oınaıdy.
A.Býblık te, A.Shevchenko da Ýımbldonda negіzgі jarysqa qatysady.