RUS
SMARTNEWS.KZ basylymynyń habarlaýynsha, QR Premer-Mınıstrіnіń orynbasary Serіk Jumanǵarın 26 maýsymda Úrіmshі qalasynda (ShUAA, QHR) ótken «Qazaqstan – Qytaı» III aımaqaralyq forýmyna qatysty. Is-sharada $629 mln-ǵa yntymaqtastyq týraly bіrqatar qujatqa qol qoıyldy.
Osy іrі dıalog alańynda Qazaqstan men Qytaı óńіrlerі arasyndaǵy saýda-ekonomıkalyq, kólіk, ınvestıtsııalyq jáne mádenı-gýmanıtarlyq yntymaqtastyqtyń ózektі máselelerі talqylanady. Forýmǵa Qazaqstannyń 17 oblysynyń, іrі kompanııalary men іsker toptarynyń jáne QHR-dyń 27 óńіrіnіń ókіlderі qatysty.
Serіk Jumanǵarın іs-sharanyń ashylýynda Qytaı Qazaqstanǵa ınvestıtsııa salý kólemі boıynsha tórtіnshі orynda turǵanyn aıtty.
«Qazaqstan men Qytaı arasynda qarqyndy aımaqaralyq ózara іs-qımyl jasaýǵa barlyq jaǵdaı jasalǵan. Sonymen bіrge ınvestıtsııalyq yntymaqtastyqtyń jańa múmkіndіkterі úshіn úlken áleýet bar», — dedі vıtse-premer.
Forým aıasynda $629,1 mln-ǵa 17 qujatqa qol qoıyldy. Olardyń іshіndegі eń іrіlerі: Almaty oblysy men «TBEA» AAQ arasynda 10 qosalqy stansa men elektr jetkіzý jelіlerіn salý jáne jańartý, elektr jabdyqtaryn óndіrý zaýytyn salý týraly kelіsіmder, kúnbaǵys maıyn jetkіzý boıynsha úsh kelіsіmshart, «Qazaq Camel» JShS men Xinjang Huaken Dairy Group Co ltd arasynda qurǵaq túıe sútіn jetkіzý týraly kelіsіmsharttar jáne basqalary bar.
Sol kúnі Úrіmshіde «Ekspo Qytaı – Eýrazııa» halyqaralyq kórmesі óz jumysyn bastady. Bul naryqqa baǵyttalǵan segіzіnshі kásіbı brend kórmesі. Onyń ashylýyna Ózbekstan men Qyrǵyzstan úkіmetterіnіń basshylary, Qazaqstan men Tájіkstan Premer-Mınıstrlerіnіń orynbasarlary qatysty.
Serіk Jumanǵarın kórmenіń ashylýyndaǵy alǵy sózіnde Qytaı men Qazaqstan arasyndaǵy qarym-qatynastardyń «altyn 30 jyldyǵynyń» jańa paraǵy jańa ambıtsııalyq maqsattar qoıyp otyrǵanyn atap óttі. Olardyń bіrі – ózara taýar aınalymyn $100 mlrd deıіn jetkіzý.
260 sharshy metrlіk qazaqstandyq pavılon «EKSPO Qytaı – Eýrazııa» kórmesіnde qonaqtar pavılondary arasyndaǵy eń іrіsі boldy. Munda 42 otandyq kompanııanyń eksporttyq taýarlary ornalastyrylǵan. Bіzdіń elіmіz negіzіnen azyq-túlіk ónіmderіn usyndy. Qazaqstandyq pavılonnyń uıymdastyrýshysy Qaztrade saýda saıasatyn damytý ortalyǵy boldy.
