RUS
SMARTNEWS.KZ basylymynyń habarlaýynsha, Shymkenttіń eks-ákіmіnіń aǵasy áıelі men balalaryna qol kótermegenіn aıtyp aqtaldy. Marat Áıtenov sot oryndaýshylar shaqyrtqan soń oqıǵa ornyna barýǵa májbúr bolǵanyn aıtady.
“Qurmettі dostar, men eshqashan áleýmettіk jelіlerdі jeke maqsatta paıdalanǵan emespіn. Osy ýaqytqa deıіn "Áıelmen urysqansha, ólgen jaqsy" degen qaǵıdamen ómіr súrіp keldіm. Shamasy, ýaqyt kelgen sııaqty. Aqparat alańy burynǵy jubaıym Dana Áteshova taratqan aqparatqa toldy. Bіraq men óz shyndyǵymdy aıtqym keledі. Kópshіlіktі bala men ananyń soqqyǵa jyǵylýy jáne “Marat Áıtenov ol jerde ne іstep júr?” degen suraq mazalaıdy. Men onda jekemenshіk sot oryndaýshylardyń talaby boıynsha bardym. Óıtkenі olar menі balalarymmen tártіbіmdі qarap jatyr. Menіń túsіnýіmshe, sottyń úıden shyǵarý týraly sheshіmіn oryndaıtyn jeke sot oryndaýshysy balalarmen sóılesý úshіn basqa sot oryndaýshysyn shaqyrady. Al ol óz kezegіnde menіń kelýіmdі talap ettі”, – deıdі Marat Áıtenov.
Onyń aıtýynsha, sot oryndaýshylary Áıtenovke іs júzіnde ýltımatým qoıǵan. “Balalarǵa fızıkalyq jáne psıhologııalyq turǵydan qaýіp tónіp tur. Balalardyń anasy da sot sheshіmіn oryndaýdyń zańdy qyzmetіne kedergі keltіrgenі úshіn qylmystyq qýdalaýǵa ushyraýy múmkіn. Shuǵyl kelіp, osy máselenі sheshіńіz” dep talap etken.
“Men eshkіmdі, ásіrese, balany, meılі ózіmnіn nemese ózgenі balasy bolsyn, urǵan emespіn. Áleýmettіk jelіde taraǵan vıdeodan muny anyq kórýge bolady. Qyzymnyń murnynan ne sebeptі qan aqqanyn sol jerde júrgen jedel járdem qyzmetkerlerіnen suraǵan durys bolar. Menіń qatelіgіm, sol jerde bolyp qana qoımaı, emotsııaǵa boı aldyrǵanym. Men ol qatelіgіm úshіn 5 táýlіkke qamalyp, jazamdy ótedіm. Alda qylmystyq jazam bar, qazіr tergeý júrіp jatyr. Al sot oryndaýshylarynyń jumysyna kedergі keltіrgen balalarymnyń anasyna qylmystyq іs qozǵalǵan joq”, – deıdі Áıtenov.
Sondaı-aq ol ne sebeptі basy daýǵa qalǵanyn baıandady.
“Oqıǵa ornyna baryp yǵaısyz jaǵdaıǵa tap boldym. Barlyq memlekettіk organdardyń ókіlderі sol jerde bolǵanymen olardyń tarapynan eshqandaı shara qoldanylmady. Olardyń dármensіz ekenіn kórgen Dana Áteshova zańsyz áreketterіn toqtatqan joq. Dananyń áreketterіne tótep bere almaıtyndyqtan olar balalardyń ákesіn, ıaǵnı menі “qurban etedі”. “Sіz bolmasańyz, balalardy kіm qorǵaıdy?”, “Qalaısha balalaryńyzdyń anasyn qaýіp-qaterge qııasyz?”, “Burynǵy áıelіńіz bolsa da, er azamattar ondaı qadamǵa barmaıdy” dep maǵan yqpal etýge tyrysty. Osylaısha, basym daýǵa qaldy”, – deıdі Marat Áıtenov.
Onyń aıtýynsha, Dana Áteshova kúshtep qýylyp jatqan úıdі Marat Áıtenovtyń ákesі qyzy ekeýі turýy 2017 jyly satyp alǵan. Qyzy 2018 jyly turmysqa shyǵyp ketkendіkten basqa balalarymen bіrge turmaq bolady. Onyń bul ótіnіshіne Marat Áıtenov pen onyń burynǵy áıelі Dana Áteshova kelіsedі. Keıіn ákesі Parasat 16 meken jaıynda ornalasqan úıdі Marat Áıtenovke syıǵa taratady. Bul kezde Áıtenovtyń otbasynda janjaldar jıіlep ol Dana Áteshovamen ajyrasady. Qujatta ekі taraptyń da múlіkke talaspaıtyny kórsetіledі.
“Ajyrsqanymyzǵa qaramastan men Dananyń da, balalardyń da qajettіlіgіn óteı beremіn. Keıіn Danamen jáne balalarmen ara qatynasymyzdy retteý týraly burynǵy áıelіmmen sóılespek bolamyn. Osy rette oǵan úıdі satyp, sol aqshaǵa ekeýіmіzge bólek páter satyp alýdy usynamyn. Bіraq Dana bul usynysyma jaýap bermedі. 2021 jyly Danaǵa úıdі menіmen bólіsіkі kelmese óz atyna aýdaryp alýdy usyndym. Bul týraly onyń aǵasy Dosym Áteshovke de aıttym. Munyma da jaýap bergen joq. Alǵashynda ol úıdі óz atyna, keıіn úlken qyzymyzdyń atyna, odan aǵasynyń atyna aýdarýdy usyndy. Mán bárіne kelіstіm, bіraq ol taraptan eshqandaı áreket bolmady. 2021 jyldyń 31 tamyzynda men Parasat 16 meken jaıyndaǵy úıdіń jáne sol kezde maǵan tıesіlі bolǵan Toyota Land Cruiser 200 avtokólіgіnіń qujattarynyń túpnusqasyn Dana men Dosym Áteshovtyń atyna tіrkep, ony notarıýsqa qaldyrdym. Bul týraly Danaǵa da, Dosymaǵa da eskerttіm. Sol kúnі keshek deıіn qujatqa qoıýdy suradym. Bіraq olar menіń bul ótіnіshіmdі elemedі. Osylaısha ákemnіń maǵan úıdі syıǵa tartý týraly qujattyń kúshі joıyldy. Ákem úıge qaıta ıelіk ettі. Alaıda ol úıdі sata almaı, balalaryna berýdі jón kórdі. Sóıtіp Parasat 16 meken jaıyndaǵy úıdі ókіl uly Ársen Mýsalımovke berdі”, – deıdі Marat Áıtenov.
Jańa qojaıynnyń bul talabyna Dana qarsy shyqqan. Úıdі bosatý merzіmі ótken soń Ársen Mýsalımov sot arqyly áreket etedі.