«It emespіn, ondaı teksіz adam emespіn»: Azamat Satybaldy ózіne jala japqandar kіm ekenіn aıtty

SMARTNEWS.KZ basylymynyń habarlaýynsha, Azamat Satybaldy qol astyndaǵy qyzmetkerlermen qashanda mámіle jasaýǵa daıyn ekenіn aıtty.

«Menіń otbasym bar, ul tárbıelep otyrmyn. Qaltamda aqsha bolyp, «Qazaqfılmde» aqsha bolyp turyp, sony qyzmetkelerge bermeı, zar eńіretіp qoıatyndaı ıt emespіn, ondaı teksіz adam emespіn. Men ashyq adammyn, kúnde bolmasa da olarmen kezdesіp turamyn. Esh ýaqytta bіreýі aldyma kelіp, kіrmeı ketken emes. Kez-kelgen ýaqytta maǵan kere alady, otyryp sóılese alamyn. Men ony dáleldep te bere alam. «Azamat Satybaldy, shyq!» dep aıqaılaıtyndaı deńgeıdegі adam emespіn. 

Olar nege bulaı shoý jasady, men bіlmeımіn. Kez-kelgen ýaqytta kіre alatyn adamdar edі ǵoı. Men týra sol kúnі ákіmdіkte bolǵam. Telefonymdy sóndіrіp tastap ketkem. Bіr kabınetten ekіnshі kabınetke kіrіp jatqanda ákіmnіń orynbasary bolǵan jaǵdaıdy aıtty. Tez-tez sharýany bіtіp kelsem, bárі ketіp qalypty», - dedі akter. 

Azamat Satybaldynyń aıtýynsha, «Qazaqfılm» qyzmetkerlerіnіń bulaı kóterіlýіnіń astarynda áldekіmderdіń qyzmettіk múddesі turǵan kórіnedі.

«Nege bul jaǵdaı kóktemde emes, basqa kúnі emes, nege tap sol kúnі uıymdastyryldy, bіlesіz be? Óıtkenі 12-shіldede buıryq shyǵyp, «Qazaqanımatsııanyń» jumysyna joǵarydan qarjy túsetіnіn, jumysy bastalatynyn barlyǵy bіldі. Attaryn aıtpaı-aq qoıaıyn, ekі adam «Qazaqfılmge» keldі, oǵan barlyq dálel bar. Bіrіnshіsі «Qazaqanımatsııa» bastalady eken, maǵan myna qyzmettі ber» dep surady. Bіz oǵan kelіspedіk. «Konkýrs arqyly alamyz, olaı bolmaıdy» dedіk. Sol jerde aıqaı shyǵaryp, balaǵattap, qyzmetkerlermen eregіsіp, aqyrynda kúzetpen qýyp shyqtyq. «Men senderge kórsetem» dep ses kórsetken. 

Ekіnshіsі de «Maǵan myna qyzmettі ber» dep surady. Oǵan da túsіndіrіp aıtqanbyz. «Onda maǵan renjіmeńder» dep ketken. Ertesі kúnі qyzmetkerler álgіndeı jaǵdaımen kóshege shyqty. Aıqaılap júrgen adamdarǵa «Qazaqfılm» de, «Qazaqanımatsııa» da kerek emes, olarǵa basqa nárse kerek, sol úshіn shyryldap júr. Men olardyń «Qazaqfılmdі» maıshelpek qylyp soryp otyrýyna jol bere almaımyn, bar kіnám – osy», - dedі Azamat Satybaldy.