61 mıllıon teńge: Aýyl sharýashylyǵy mınıstrlіgіnіń eks-qyzmetkerі túrmege otyrmaý úshіn aıyppul tóleýge kelіstі
Qostanaıda jemqorlyq jasaǵany úshіn sottalǵan aýyl sharýashylyǵy mınıstrlіgіnіń qyzmetkerі Janysbek Kenesbekov 61 mıllıon 250 myń teńge kólemіndegі aıyppuldy bіrden tóleýge daıyn ekenіn aıtty. Bul týraly Stan.kz jazdy.
SMARTNEWS.KZ basylymynyń habarlaýynsha, Respýblıkalyq fıtosanıtarlyq dıagnostıka jáne boljamdar ádіstemelіk ortalyǵynyń basshysy Keńesbekovtі qaramaǵyndaǵy qyzmetker Amangeldі Qulmuhanbetov ustap bergen. Qulmuhambetov bastyǵynyń únemі aqsha talap etkenіn, Kostanaıǵa kelgen kezdegі qonaq úıdegі lıýks nomerlerіn tólep bergenіn alǵa tartqan.
Sot barysynda Kenesbekovtyń Atyraý, Qaraǵandy, Qyzylorda sekіldі fılıal dırektorlarynan da aqsha talap etkenі anyqtaldy. Memlekettіk aıyptaý tarapynan 1 mıllıon 750 myń teńge kólemіnde aıyp taǵyldy. Bul tek dáleldengen soma ǵana.
Kenesbekov 7-12 jylǵa bas bostandyǵynan aıyrylý múmkіn edі. Ol kіnásіn moıyndap, prokýrormen protsessýaldyq kelіsіm jasaýdy usyndy. Kelіsіm nátıjesіnde úlken mólsherde aıyppul tólep, túrmeden qutylý múmkіndіgіne ıe boldy.
Sot №2 Kostanaıdaǵy sýdıa Anara Shaımýrýnova sottalýshydan 35 ese aıyppuldy 10 kún іshіnde tóleý qajettіgіn aıtty. Kenesbekov túrmege túspeý úshіn bul sommany tóleýge daıyn ekenіn aıtty.
Material avtory
