Munaı ónіmderіn temіr jol kólіgіmen tasymaldaýǵa tyıym salyna ma
Ishkі naryqta janar-jaǵarmaı materıaldary tapshylyǵyn boldyrmaý maqsatynda Energetıka mınıstrlіgі «búrkemeleý taýarlary» ataýymen áketіlýі múmkіn munaı ónіmderіn temіr jol kólіgіmen eksporttaýǵa tyıym salýdy josparlap otyr.
QR Energetıka mınıstrlіgі «Qazaqstan Respýblıkasy aýmaǵynan munaı ónіmderіn áketýdіń keıbіr máselelerі týraly» bіrlesken buıryqtyń el aýmaǵynan, onyń іshіnde Eýrazııalyq ekonomıkalyq odaqqa múshe memleketterge munaı ónіmderіn avtomobıl jáne temіrjol kólіgіmen áketýge tyıym salýdy kózdeıtіn 6 aı merzіmge tyıym salýdy belgіleý týraly tıіstі jobasyn ázіrledі.
Oǵan sebep joq emes. Búgіnde janar-jaǵarmaı materıaldarynyń іshkі naryqtaǵy qaldyqtary azaıa bastaǵan. Atap aıtsaq, elіmіzdіń ońtústіk shekaralas aımaqtarynda jaǵdaı máz emes. Bul Qazaqstan Respýblıkasynda jáne shekaralas elderdegі munaı ónіmderі baǵasynyń qazіrgі aıyrmashylyǵymen baılanysty ekenі aıtylýda.
Sonymen qatar, quqyq qorǵaý organdarynyń aqparaty boıynsha «búrkemeleý taýarlary» degen atpen benzındі áketýdіń belgіlі bіr shemalary bar.
Joǵaryda atalǵan bіrlesken buıryqtyń jobasy «Ashyq NQA» saıtyndajarııalandy.
Material avtory
