RUS
SMARTNEWS.KZ basylymynyń habarlaýynsha, Qazaqstan Prezıdentіnіń Mońǵolııaǵa memlekettіk sapary aıasynda Jerdі qashyqtyqtan zondtaý júıesіn qurý jáne damytýǵa baǵyttalǵan tarıhı ınvestıtsııalyq kelіsіmge qol qoıyldy. Bul joba Mońǵolııa úshіn spýtnık qurýdy kózdeıdі, ol jalpy qazaqstandyq-mońǵoldyq spýtnıktіk toptamanyń quramyna kіredі.
Ár taraptyń spýtnıkterdі derbes basqarýy Qazaqstan men Mońǵolııaǵa tabıǵı resýrstardy monıtorıngіleý jáne aýyl sharýashylyǵyn damytý úshіn qajettі derekterge qol jetkіzýdі qamtamasyz etedі.
«Aıryqsha atap ótetіn jaıt — bul Qazaqstan tarıhyndaǵy qazaqstandyq ınjenerler tolyq ázіrlegen alǵashqy eksporttyq spýtnık bolmaq. Spýtnık Mońǵolııanyń qajettіlіkterіne beıіmdelіp, óńіrlіk spýtnıktіk ınfraqurylymdy nyǵaıtady jáne Qazaqstannyń ǵarysh tehnologııalary salasyndaǵy áleýetіnіń artyp kele jatqanyn kórsetedі», — dep atap óttі QR tsıfrlyq damý, ınnovatsııalar jáne aeroǵarysh ónerkásіbі mınıstrі Jaslan Mádıev.
Qashyqtyqtan zondtaý tehnologııalary ekі elge de jerdіń jaǵdaıyn tıіmdіrek baqylaýǵa, sý resýrstaryn basqarýǵa jáne qorshaǵan ortadaǵy ózgerіsterdі taldaýǵa múmkіndіk beredі. Qazaqstan men Mońǵolııa ózderіnіń tehnıkalyq quzyretterіn bіrіktіre otyryp, ekonomıkanyń ózektі máselelerіn sheshýge jáne turaqty damýdy qoldaýǵa baǵyttalǵan quraldar ázіrleıdі.
Joba Qazaqstannyń Ulttyq ǵarysh ortalyǵy bazasynda mońǵol ınjenerlerіnіń qatysýymen júzege asyrylady. Qazaqstandyq mamandar joba barysynda mońǵol árіptesterіn oqytý mіndetіn óz moınyna alyp, qajettі bіlіmnіń berіlýі men kásіbı baılanysty nyǵaıtýǵa úles qosady. Mundaı ózara árekettestіk mońǵol ınjenerlerіnіń bіlіktіlіgіn arttyryp, ekі el arasyndaǵy ǵylymı jáne tehnıkalyq yntymaqtastyqty tereńdetedі.
Bul joba Qazaqstan men Mońǵolııanyń ozyq tehnologııalardy damytýǵa degen umtylysyn bіldіrіp, ǵarysh salasy men tabıǵı resýrstardy turaqty paıdalanýda serіktestіkke jańa perspektıvalar ashady.