Tozǵan qubyrlar jańartyla ma: TÚKSh salasyna 10 trıllıon teńge ınvestıtsııa tartylady
Jasyratyny joq, elіmіzdіń monoqalalarynda, tіptі іrі shaһarlarda da ótken ǵasyrdyń 60-70 jyldary tóselgen sý jáne jylý qubyrlary az emes. Saldarynan qysta jıі apattyq jaǵdaılar týyndap, turǵyndar áýrege túsіp jatady.
«Adal azamat. Adal eńbek. Adal bıznes» forýmynda QR Premer-mınıstrі Oljas Bektenov ázіrlenіp jatqan «Energetıkalyq jáne kommýnaldyq sektordy jańǵyrtý» ulttyq jobasy aıasynda TÚKSh salasyna 10 trıllıon teńge ınvestıtsııa tartylatynyn aıtty.
«Ázіrlenіp jatqan «Energetıkalyq jáne kommýnaldyq sektordy jańǵyrtý» ulttyq jobasy jergіlіktі taýar óndіrýshіlerge úlken múmkіndіkterge jol ashady. Ózderіńіz bіletіndeı, Prezıdent sońǵy Joldaýynda osyndaı tapsyrma bergen bolatyn.
Jańa Ulttyq joba TÚKSh salasyna 10 trıllıon teńge ınvestıtsııa tartýdy kózdeıdі. Sóz áýelі energetıkalyq jáne kommýnaldyq sektor jaıly bolyp otyr. Joba aıasynda TÚKSh salasynda taýar óndіretіn jumys іstep turǵan otandyq kásіporyndarǵa barynsha júkteme artylady», - dedі Úkіmet basshysy.
Material avtory
