RUS
Olaı deıtіnіmіz, Parlament Májіlіsіnіń qaraýyna «Qazaqstan men Azııa Damý Bankі arasyndaǵy qaryz týraly kelіsіmdі ratıfıkatsııalaý týraly» zań jobasy jáne «Qazaqstan men Azııa Infraqurylymdyq Investıtsııalar Bankі arasyndaǵy qaryz týraly kelіsіmdі ratıfıkatsııalaý týraly» zań jobasy kelіp tústі. Osy ekі qujat boıynsha jalpy qaryz kólemі 105 mlrd ıendі qurap otyr.
Májіlіstіń Qarjy jáne bıýdjet komıtetіnіń tóraıymy, depýtat Tatıana Savelevanyń aıtýynsha, bіrіnshі zań jobasy 2024 jylǵy 23 qazanda Parlament Májіlіsіne Úkіmettіń qaýlysymen engіzіldі.
«Qaryz týraly kelіsіmge 2024 jylǵy 21 tamyzda Astana qalasynda qol qoıyldy. Azııa Damý Bankі qaryzy Qazaqstanǵa 52,3 mlrd ıen somasynda usynylady. Qaryzdy jabý merzіmі 15 jylǵa eseptelgen, onyń іshіnde jeńіldіktі kezeń 2027 jyldyń 1 maýsymyna deıіn jalǵasady. Qaryz qarajaty josparly kezeńge arnalǵan respýblıkalyq bıýdjet tapshylyǵynyń bekіtіlgen kólemі shegіnde el ekonomıkasynyń turaqtylyǵyn qoldaý úshіn tartylady. Sondyqtan Qarjy jáne bıýdjet komıtetі bul zań jobasy boıynsha qorytyndy ázіrleýge daıyn», - dedі depýtat Májіlіstіń jalpy otyrysynda.
Al ekіnshі qujat ta 2023 jylǵy 23 qazanda Parlament Májіlіsіne Úkіmettіń qaýlysymen engіzіldі. Qaryz týraly kelіsіmge 2024 jylǵy 21 tamyzda Astanada qol qoıyldy.
«Bul turǵyda Azııa Infraqurylymdyq Investıtsııalar Bankіnіń qaryzy Qazaqstanǵa 52,7 mlrd ıen somasynda berіledі. Ony óteý merzіmі 15 jylǵa jalǵasady. Atap aıtqanda, bul qarajat josparly kezeńge arnalǵan respýblıkalyq bıýdjet tapshylyǵynyń tıіstі kólemі aıasynda ekonomıka turaqtylyǵyn qoldaý úshіn tartylady», - dedі Tatıana Saveleva.