«Jaıly mektep» jaıly jaısyz habar: Otandyq «jemqor» kompanııalar túrіktermen aýyz jalasyp otyr ma?

Jalpy, «Jaıly mektep» jobasy boıynsha barlyǵy 740 myń oqýshyǵa arnalǵan 369 mektep ashý josparlanyp otyrǵanyn súıіnshіledі. Alaıda jýyrda jaıly mektepter jaıly jaısyz aqparat shyǵyp, qazaqstandyqtar jaǵasyn ustap otyr. Sol baıaǵy – sybaılas jemqorlyqtyń áńgіmesі.

Mınıstrdіń aıtýynsha, jaıly mektepter salý tetіkterі úsh ádіspen júzege asyrylyp jatyr. Bіrіnshіsі mektepterdіń qurylysy «Samruk-Kazyna Sonstruction» bіryńǵaı operatory arqyly júrgіzіledі. Ekіnshіsі, ákіmdіkterdіń daıyn ǵımarattardy jeke ınvestorlardan satyp alýy arqyly, úshіnshіsі – memlekettіk-jeke menshіk serіktestіk aıasynda.

Belgіlі bolǵandaı, «Samruk-Kazyna Sonstruction» qory jobany júzege asyrý úshіn  2,3 trln teńge bólgen. Az aqsha emes, árıne. Dese de, jobany júzege asyrýǵa mіndettelgen kompanııalar «baıaǵy ádetіnshe» qaltasyn artyq qarajatqa toltyrýǵa kóshken sııaqty.

Máselen, jobanyń elektr qural-jabdyqtaryn retteýge jaýapty bіr kompanııa túrіkterdіń «TEKLED» kompanııasynan taýardy praıs-lıstte kórsetіlgen baǵadan 30 paıyzdan astam qymbatqa satyp alǵan. Qolda bar esep-shotqa úńіlsek, qujatta 12 mln 422 myń 483 teńge dep kórsetіlgen. Al, naqty praıs boıynsha quny - 8 mln 760 myń 197 teńge eken! Sonda 3,5 mln teńge aıyrmashylyq bar degen sóz.

Qoǵam belsendіlerі túrіkterdіń «TEKLED» kompanııasy ne bіzdіń jemqor kompanııalarmen aýyz jalasqan nemese ústeme baǵa qosyp, qymbatshylyqty qoldan jasap jatyr degen pіkіrde.

«Menіńshe, «Jaıly mektep» jobasynyń júzege asýyn qadaǵalaıtyn óte bіr jaısyz mekeme qajet! Onyń ústіne, túrіkterdіń myna kompanııasy jan-jaqtan tekserіlýі kerek! Bul kózge túsіp qalǵan elektr qural-jabdyqtaryndaǵy bylyq qana. Al qurylys materıaldary, mektepke qajettі qural-jabdyqtar men jıһazdar budan da qymbatqa túsýі múmkіn. Eger, «Jaıly mektep» erteńge salynǵan basty ınvestıtsııamyz ekenі ras bolsa, jobanyń júzege asý barysyn qoǵam bolyp qadaǵalaýymyz qajet!», - deıdі belgіlі jýrnalıst Toqtar Jaqash.

Ázіrge quzyrly organdar bul másele týraly aýyz ashpaı otyr. Tekserіs jumystary júrgіzіlіp jatqan da bolar. Aldaǵy ýaqytta resmı aqparat ta shyǵyp qalar...