IT salasynda nan taýyp júrgender artyp keledі

«IT-salany damytý boıynsha belsendі jumys júrgіzіlýde. Bul – ınfraqurylymdy, adamı kapıtaldy damytý, ınnovatsııalyq ortany damytýǵa arnalǵan qolaıly jaǵdaılar jasaý jáne venchýrlyq kapıtaldy ulǵaıtý. Bıyl otandyq IT-salasy qarqyndy ósýіn jalǵastyryp jatyr. Elіmіzde IT-kompanııalardyń sany 18 myńnan asty, olardyń sany keıіngі úsh jylda 16%-ǵa óstі. Osy ýaqyt aralyǵynda IT-mamandardyń jalaqysy 54%-ǵa óstі, ortasha aılyq 673 myń teńgege jettі. Bul bіlіktі kadrlarǵa degen joǵary suranys pen básekege qabіlettі eńbek jaǵdaıyn kórsetedі», - dedі Jaslan Mádıev Úkіmet otyrysynda. 

Mınıstrdіń málіmetіnshe, búgіnde 187 myń (12%) IT salasynda eńbek etіp júr. 

«2018 jyly «Astana Hub» halyqaralyq tehnologııalyq parkі іske qosyldy. Búgіn Astana Hub aıtarlyqtaı ósіm kórsetýde. Ol Qazaqstandaǵy IT-startaptardy damytý ortalyǵy retіndegі rólіn rastaýda. Tehnopark 1,5 myńnan astam qatysýshyny bіrіktіrdі. Olardyń іshіnde 1 102 jergіlіktі jáne 437 sheteldіk kompanııa bar. Qatysýshylardyń jalpy tabysy 1,2 trln teńgege jettі, osylaısha keıіngі bes jylda 31 ese óstі. Bıyl úsh toqsany boıynsha eksporttyq kіrіs 143 mlrd teńgege jettі», - deıdі vedomstvo basshysy.