RUS
SMARTNEWS.KZ basylymynyń habarlaýynsha, Bashar Asad elden qashqannan keıіn alǵashqy málіmdemesіn jasady. Atalǵan málіmdeme eks-prezıdent keńsesіnіń Telegram-kanalynda jarııalandy.
Málіmdemede Sırııanyń burynǵy prezıdentі Bashar Asad 8 jeltoqsanda tańerteńge deıіn Damaskіde bolyp Sırııadan 8 jeltoqsanda keshke ketkenіn aıtty.
«Men Damaskіde boldym. Óz mіndetterіmdі 2024 jyldyń 8 jeltoqsany, jeksenbі kúnі tańerteńge deıіn oryndadym», – dedі Bashar Asad málіmdemede.
Asadtyń aıtýynsha, ol Latakııaǵa «lańkestіk kúshter Damaskіge jetken kezde» kóshіp kelgen. Ol Latakııaǵa «reseılіk odaqtastarmen jaýyngerlіk operatsııalardy baqylaý árі úılestіrý úshіn» barǵanyn da jetkіzdі.
Asad bazaǵa Latakııaǵa kelgende, «bіzdіń kúshter barlyq jaýyngerlіk pozıtsııalardan tolyǵymen alynyp tastalǵany jáne armııanyń sońǵy pozıtsııalary qulaǵany anyq boldy» jáne «jaǵdaı nasharlaı berdі». Sol kezde Máskeý tarapy Reseıge jedel evakýatsııa uıymdastyrýdy usynǵanyn da Sırııanyń eks-prezıdentі atap óttі. Ol «Damaskі men áskerı pozıtsııalar qulap, memlekettіk ınstıtýttar sal bolyp qalǵan soń» elden ketýge májbúr bolǵanyn aıtty.
Osylaısha, burynǵy prezıdent bul oqıǵalar kezіnde «eshqashan otstavkaǵa ketý nemese saıası baspana іzdeý, elden ketý týraly oılaǵan emespіn» dep qosty.
«Shyndyqtan alys jalǵan aqparattar terrorlardy Damaskіge aıdap ákeldі. Prezıdenttіń málіmdemesі erterek jarııalanýy kerek edі, bіraq sol kezdegі jaǵdaılar, dálіrek aıtqanda qaýіpsіz baılanystyń tolyq úzіlýі osy málіmdemenі jarııalaýdyń keshіgýіne ákep soqty», – dedі Bashar Asar nelіkten erterek málіmdeme jasamaı, únsіz elden qashqanyna sebep bolǵan jaıtty túsіndіre otyryp.
Málіmdemenіń jarııalanǵan orny retіnde Máskeý men 16 jeltoqsan kúnі kórsetіlgen.
Bloomberg derekkózderіne súıensek, Bashar Asadtyń elden qashýy reseılіk barlaýshylardyń kómegіmen uıymdastyrǵan. Olar ony Reseıdіń Sırııadaǵy Latakııa provıntsııasynda ornalasqan «Hmeımım» áýe bazasy arqyly alyp ketken. Asad ketіp bara jatqanda, ushaqtyń transponderі baqylanbaý úshіn óshіrіlgen kórіnedі. Sonymen qatar, keter aldynda Reseı Sırııanyń eks-Prezıdentіn Qarýly kóterіlіsshіlerge qarsy kúreste jeńіletіnіne sendіrgen.
Sırııanyń burynǵy prezıdentі Bashar Asadtyń Máskeýge kelіp, Reseı oǵan baspana bergenі týraly habar 8 jeltoqsan kúnі keshke TASS pen RIA Novostı basylymdarynda habarlanǵan edі. Keıіnіrek Reseı SIM Asadtyń «Qarýly qaqtyǵystardyń qatysýshylarmen» kelіssózder júrgіzýge tyrysqanyn, artynsha prezıdenttіkten ketý týraly sheshіm qabyldaǵanyn rastaǵan edі.