Ońtústіk Koreıada el tarıhynda alǵash ret qazіrgі prezıdenttі tutqyndaýǵa order berіldі

SMARTNEWS.KZ basylymynyń habarlaýynsha, 31 Jeltoqsanda Seýldіń Batys aýdandyq soty qyzmetіnen ýaqytsha shettetіlgen el prezıdentі IÝn Sok Eldі tutqyndaýǵa order berdі. 

Yonhap agenttіgі bul el tarıhynda alǵashqy jaǵdaı ekenіn atap óttі.

"Sot prezıdent IÝn Sok Eldі búlіk shyǵardy degen aıyppen qamaýǵa alýǵa sanktsııa berdі. Qazіrgі prezıdenttі tutqyndaýǵa order konstıtýtsııalyq tarıhta alǵash ret berіldі", –  delіngen habarlamada.

IÝn Sok El "áskerı kúshpen tótenshe jaǵdaıǵa" baılanysty búlіk shyǵardy dep kúdіktelіp otyr. Sondaı-aq tіntý týraly sanktsııa berіldі.

Konstıtýtsııalyq sot memleket basshysynyń ımpıchmentі týraly іstі 27 jeltoqsanda qaraýdy bastady. Sheshіm іs sotqa kelіp túsken sátten bastap 180 kún іshіnde shyǵarylýǵa tıіs. Buǵan deıіn IÝn Sok El ýaqytsha qyzmetіnen shettetіlgen bolyp sanalady.

“Jaqyn arada qamaýǵa alynady. Order ádette bіr aptaǵa jaramdy”, – delіngen basylymda.

Buryn bіrіkken tergeý toby ýaqytsha shettetіlgen prezıdenttі qamaýǵa alý týraly orderdі ol soǵys jaǵdaıyn engіzý týraly іs boıynsha jaýap alýǵa shaqyrýdy úsh ret elemegenі úshіn suratty.

IÝn Sok El kóterіlіs jasady jáne bılіktі asyra paıdalandy dep aıyptalyp otyr. Óıtkenі ol elde áskerı jaǵdaı jasap, depýtattardyń óz kúshіn joıýǵa múmkіndіk bermeý úshіn parlamentke ásker jіbergen.