RUS
SMARTNEWS.KZ basylymynyń habarlaýynsha, Reseıde jumysyn toqtatqan qandaı kásіporyndar Almatyǵa kóshіp keldі. Bul týraly Kazinform jazdy.
Almaty qalasy Kásіpkerlіk jáne ınvestıtsııalar basqarma basshysynyń orynbasary Qaırat Nurqasymov agenttіk saýalyna jaýap bere otyryp, ákіmdіk Reseı Federatsııasynda qyzmetіn toqtatqan іrі ónerkásіptіk kásіporyndar men halyqaralyq korporatsııalardy megapolıske ákelý boıynsha belsendі jumys іstep jatqanyn aıtty.
Onyń sózіnshe, qalada InDriver, Koppert (bıo tyńaıtqyshtar men ósіmdіkterdі qorǵaý óndіrіsі), Stada Arzneimittel (farmatsevtıkalyq óndіrіs), Great Wall Motors (avtomobıl óndіrіsі), Clariant, China Railway Construction Corporation (temіrjol qurylys korporatsııasy) jáne WEG (elektr jabdyqtaryn óndіrý) sııaqty kompanııalardyń aımaqtyq keńselerі ashyldy.
Sonymen qatar buryn óz qyzmetіn Reseıde júzege asyrǵan Honeywell kompanııasy 2022 jyly Almatyda basqarý qoraptaryn qurastyrý boıynsha jańa óndіrіs ornyn іske qosty. Al ındýstrııalyq aımaqta Weir Minerals zaýyty sorǵy jabdyqtaryn, gıdrotsıklondardy jáne bekіtý armatýrasyn óndіrý jáne qalpyna keltіrý boıynsha jumysyn bastady. Oǵan 1,25 mlrd teńge ınvestıtsııa salynyp, 60-tan astam jumys orny quryldy.