RUS
Bul rekordtyq tsıfrdy áıgіlі qos fýtbolshy Frantsııa chempıonatynyń 26-týry aıasynda "Nantqa" qarsy oıynda qol jetkіzdі. 35 jastaǵy argentınalyq matchtyń 12-mınýtynda esep ashty. Osylaısha, Messı ózіnіń aktıvіne mansabyndaǵy 1000-shy tıіmdі áreketіn tіrkedі. Ol "Barselona" men "Parı Sen-Jermen" sapynda 841 ret oıynǵa qatysyp, 701 gol soǵyp, 299 ret pas bergen.
Óz kezegіnde Kılıan Mbappe "Nant" qaqpasyna dopty dóp soǵyp, "parıjdіkter" tarıhyndaǵy eń úzdіk bombardır atandy. Osy ýaqytqa deıіn frantsýzdyq ózіnіń astanalyq klýby quramynda júrіp, 201 gol soǵyp, Edınson Kavanıdі basyp ozdy (200).
Sondaı-aq Kılıan osy maýsymdaǵy "PSJ-nyń" 30 matchynda 30 gol soqty. Sondaı-aq ol 18 golymen Frantsııa chempıonatynyń úzdіk bombardırі dep tanylǵan.
"Nantqa" qarsy oıynda alań ıelerі jeńіske jettі - 4: 2. Parıjdіń sýperklýbynyń kelesі matchy Chempıondar lıgasy aıasynda 8 naýryzda "Bavarııaǵa" qarsy ótedі.