Senat sottalǵan áıelderge qatysty zańnamaǵa túzetý engіzdі
Búgіn Senattyń jalpy otyrysynda «QR Qylmystyq, Qylmystyq-protsestіk jáne Qylmystyq-atqarý kodeksterіne qylmystyq sot tórelіgі, jazany oryndaý jáne azaptaý men qatygez áreketterdіń aldyn alý salasyndaǵy adam quqyqtary máselelerі boıynsha ózgerіster men tolyqtyrýlar engіzý týraly» qujat qaraldy. Senat depýtattary jańa normalardy kontseptýaldy turǵyda qoldaı otyryp, zań jobasyna bіrqatar túzetý engіzіp, ony tolyqtyrýlarmen qabyldandy, dep habarlaıdy smartnews.kz saıty.
Qujatqa engіzіlgen túzetýler Memleket basshysynyń Joldaýlary kezіnde berіlgen tapsyrmalardy іske asyrýǵa, Qylmystyq, Qylmystyq-protsestіk jáne Qylmystyq-atqarý kodeksterіnіń normalaryn jetіldіrýge arnalǵan. Senat engіzgen 45 túzetýdіń qatarynda azaptaǵany úshіn jaýapkershіlіktі kúsheıtýge, qatygez, adamgershіlіkke jatpaıtyn nemese qadіr-qasıetіn qorlaıtyn qarym-qatynas úshіn qylmystyq jaýapkershіlіktі engіzýge, otbasyndaǵy zorlyq-zombylyq jáne taǵy basqa da máselelerge qatysty normalar bar.
Qujatty talqylaý kezіnde QR Ishkі іster mınıstrі Marat Ahmetjanov túrmede balamen otyrǵan áıelderge qatysty zańǵa ózgerіs engіzіletіnіn aıtty.
«Qylmystyq-atqarý kodeksіnde sottalǵan áıelderdіń balalarymen úsh jasqa tolǵanǵa deıіn kolonııalarda bolýy kózdelgen (QAK 116-baby).
Elіmіzde osyndaı 1 kolonııa bar. Onda barlyq jaǵdaılar jasalǵan. Búldіrshіnder Balalar úıіne ornalastyrylady. Áıelder balalaryn shekteýsіz, jumystan bos ýaqytta kóre alady. Alaıda úsh jasqa tolǵannan keıіn, balalar jaqyn týystaryna nemese balalar úılerіne berіledі. Osy oraıda áleýmettіk baılanystardy saqtaý maqsatynda sottalǵan áıelderge balasyn 4 jasqa deıіngі qaldyrýǵa múmkіndіk beretіn norma eskerіlgen. Bіraq munyń bіr sharty bar, ıaǵnı áıel adamnyń bosatylýyna deıіn bіr jyldan az ýaqyt qalyp tıіs», - dedі mınıstr.
Óz kezegіnde Senat tóraǵasy Máýlen Áshіmbaev atalǵan zańǵa qatysty pіkіr bіldіrdі.
«Prezıdent adam quqyqtary jáne zań ústemdіgі boıynsha qabyldanýy qajet sharalardy aıqyndap berdі. Búgіn qabyldanǵan zań adamnyń qylmystyq sot tórelіgі, jazany atqarý jáne azaptaýlar men qatygez іs-áreketterdіń aldyn alý salasyndaǵy quqyqtaryn kúsheıtýge arnalǵan. Onyń іshіnde aýyr syrqatqa shaldyqqandardyń, kіshkentaı balasy bar analardyń, alǵash ret sottalǵandardyń quqyqtyryn qamtamasyz etý máselelerі qamtylǵan. Aldaǵy ýaqytta zań adam quqyqtary men bostandyqtaryn qorǵaý tetіkterіn jetіldіrýge oń áserіn tıgіzedі dep senemіz», – dedі M. Áshіmbaev.