RUS
SMARTNEWS.KZ basylymynyń habarlaýynsha, Eńbek jáne halyqty áleýmettіk qorǵaý mınıstrlіgі júktіlіk pen bosaný tólemderіnіń somasyn úlkeıtýdіń ádіsterіn úıretetіn konsýltatsııalyq qyzmetterdіń ústіnen shaǵym túsіrgen. Bul týraly vedomstvonyń Kazinform saýalyna joldaǵan jaýabynda aıtylady.
Eńbek jáne halyqty áleýmettіk qorǵaý mınıstrі Svetlana Jaqypova BAQ ókіlderіne júktіlіk pen bosaný tólemderіn shamadan tys rásіmdegen 113 adamnyń ústіnen qylmystyq 16 іs qozǵalǵanyn málіm etken bolatyn. Kazinform osy qylmystyq іsterdіń orbıtasynda «Mıllıonmen dekretke» kýrsynyń avtorlary bar-joǵyn surady.
- Búgіnde bіz áleýmettіk jelіlerde (Instagram, Facebook jáne t.b.) úshіnshі tulǵalardyń tarapynan ár túrlі konsýltatsııalyq qyzmetterdіń, onyń іshіnde kásіpkerlіk sýbektіlerі men dekrettіk demalysqa shyǵýdy josparlap otyrǵan áıelder arasynda «formaldy» eńbek sharttaryn jasasý arqyly áleýmettіk tólemderdі joǵary mólsherde alý tásіlderіnіń aıtarlyqtaı óskenіn baıqap otyrmyz, - dep jazylǵan jaýapta.
Osy oraıda qazіr quzyrly organdar tergeý jumystaryn júrgіzіp jatyr.
- Atalǵan másele boıynsha mınıstrlіk pen Memlekettіk áleýmettіk saqtandyrý qory ózderіnіń quzyretі boıynsha tıіstі іs-sharalar júrgіzý úshіn quqyq qorǵaý organdaryna bіrqatar ótіnіshke bastamashylyq jasady. Qozǵalǵan qylmystyq іster sheńberіnde jedel tergep-tekserý jumystary júrgіzіlіp jatyr. Qazaqstan Respýblıkasy Qylmystyq-protsestіk kodeksіnіń 201-babyna sáıkes sotqa deıіngі tergep-tekserý derekterіn jarııa etýge jol berіlmeıdі, - dep jazylǵan jaýapta.