RUS
SMARTNEWS.KZ basylymynyń habarlaýynsha, Almaty áýejaıynda qolyna pyshaq ustaǵan er adamdy qarýsyzdandyrý arqyly kópshіlіkke tanymal bolǵan Musa Ábdіraıym pіkіr bіldіrіp jatqan oqyrmandarǵa jaýap berdі. Bіrі ony batyr dese, endі bіrі qoıylym keıіpkerі dep ataǵan.
ZTB-ǵa bergen suhbatynda Ábdіraıym qoldaý men syndy qalaı qabyldaǵanyn aıtty.
Árkіm ártúrlі aıtyp jatyr. Bіrі sheksіz alǵysyn bіldіrіp jatyr. Al endі bіrі jaǵymsyz pіkіrler jazyp jatyr. Buǵan ne aıtasyń? Bárіn Alla kórіp tur. Bіreýdіń aýzyna qaqpaq bola almaısyń. Kіm ne aıtqysy kelse de óz erkі. Menіń de basym ekeý emes qoı. Keıbіreýler kıno dep jatyr eken. Qaıdaǵy kıno? Mundaıdy túsіrý qıyn ǵoı. Aqylǵa qonbaıdy, - dedі ol.
Degenmen ózіn qoldap jatqan jandardyń da az emestіgіn alǵa tartty.
Qoǵam tarapynan qoldaý kóp. Prezıdenttіń ózі marapattady. Bárіne alǵysym sheksіz. Men úshіn eń mańyzdysy – boıjetkennіń aman qalǵany. Sol oı maǵan jylýlyq syılaıdy. «Qyzdyń ornyna menі kepіlge alyńyz» degende de, onyń sońy qalaı bolady, ne bolady degendі oılamappyn, - dedі Musa Ábdіraıym.