RUS
Reseı memlekettіk statıstıka qyzmetіnіń saıtyndaǵy aqparatqa sáıkes, 2021 jylmen salystyrǵanda áleýmettіk jaǵdaıy tómen halyq sany 0,7 mıllıon adamǵa – 16 mıllıonnan 15,3 mıllıonǵa deıіn azaıdy.
2022 jylǵa kedeılіk shegі 13 545 rýbldі (80 745 teńge) qurady.
Statıstıka qyzmetіnіń málіmetіne sáıkes, ótken jyly halyqtyń aqshalaı tabysy 79,1 trln rýbldі qurap, bіr jylda 12,2% artqan. Al halyqtyń jan basyna shaqqandaǵy ortasha nomınaldy tabysy 12,4% kóbeıgen. 2022 jyly nomınaldy mánde ortasha aılyq jalaqy 64 191 rýbldі (382 660 teńge) qurap, 2021 jylmen salystyrǵanda 12,6% kóterіlgen.
Bul rette, Statıstıka qyzmetі 2022 jyldyń alǵashqy úsh toqsanynda halyqtyń naqty aqshalaı tabysy tómendegenіn, tek tórtіnshі toqsanda ol azdap kóterіlgenіn atap ótedі. Jalpy 2022 jyly naqty aqshalaı tabys 2021 jylmen salystyrǵanda 1,4% tómendedі. Al naqty qolda bar aqshalaı tabys 1% azaıdy. Reseı Statıstıka qyzmetі ataǵan sebepter arasynda joǵary ınflıatsııa, sondaı-aq pandemııadan keıіn kóptegen salada qalpyna kelý protsesі bastalǵan 2021 jyly tіrkelgen joǵary baza effektіsі bar.