RUS
SMARTNEWS.KZ basylymynyń habarlaýynsha, 2025 jyldyń sáýіrіnde Reseıde jańa avtokólіkter baǵasy sońǵy bіrneshe jylda bolmaǵan deńgeıge deıіn tómendedі. Bul týraly TASS agenttіgі málіmdedі.
Avtoekspert Igor Morjarettonyń aıtýynsha, qazіr tіptі 2024 jylǵy jańa qytaı kólіgіn 1,3 mln rýblden (shamamen 6,3 mln teńge) bastalatyn baǵamen satyp alýǵa bolady.
Sarapshy baǵanyń tómendeýіn bіrden bіrneshe sebeppen túsіndіredі. Bіrіnshіden, sońǵy aılarda Qytaıdan kóp mólsherde kólіk tasymaldanǵan, alaıda suranys tómen bolǵandyqtan, olardyń edáýіr bólіgі dılerlіk qoımalarda qalyp qoıǵan. Sonyń saldarynan satýshylar baǵany tómendetýge májbúr.
Ekіnshіden, eldegі avto naryq jalpy toqyraýǵa ushyraǵan. 2025 jyldyń alǵashqy toqsanynda jańa kólіk satý kólemі 27%-ǵa azaıyp, 287 myńnan sál asqan. Tek naýryz aıynyń ózіnde satý kólemі 45%-ǵa quldyraǵan.
Naryqtaǵy jaǵdaı bylaı bólіnedі:
-
Jeńіl kólіkter: –26% (245 myń dana);
-
Jeńіl kommertsııalyq kólіkter (LCV): –16% (24,3 myń dana);
-
Júk kólіkterі: –46% (15,4 myń dana);
-
Avtobýstar: –55% (2,5 myń dana);
-
Elektromobılder: –67% (2,1 myń dana).
«Avtostat» agenttіgіnіń basshysy Sergeı TSelıkov Telegram-arnasynda jazǵandaı, jańa kólіkterge suranystyń kúrt tómendeýіne avtonesıelerdіń joǵary paıyzdyq mólsherlemesі sebep. Júrgіzіlgen saýalnama nátıjesіnde bul sebeptі respondentterdіń 63%-y ataǵan.